વાંકાનેરના રંગપર પાસે વાડીએ સૂતેલા યુવાનને સાપ કરડી જતાં સારવાર દરમ્યાન મોત

વાંકાનેરના રંગપર ગામે આવેલ વાડીએ યુવાન સૂતો હતો દરમિયાન તેને કોઈ ઝેરી સાપ કરડી જતાં તેને તાત્કાલિક સારવાર માટે પ્રથમ વાકાનેર ત્યાંથી વધુ સારવાર માટે રાજકોટ લઈ ગયા હતા જોકે સારવાર કારગત ન નિવડતા તે યુવાનનું મોત નીપજયું હતું આ બનાવની હોસ્પિટલ મારફતે વાંકાનેર તાલુકા પોલીસને જાણ કરવામાં આવતા પોલીસ આગળની કાર્યવાહી હાથ ધરી છે.

જાણવા મળતી માહિતી મુજબ મૂળ મધ્યપ્રદેશના રહેવાસી અને હાલમાં વાંકાનેર તાલુકાના રંગપર ગામની સીમમાં આવેલ વાડીએ રહેતો અને મજૂરી કામ કરતો માવજીભાઈ માનસિંગ કતીજા (23) નામનો યુવાન વાડીએ સૂતો હતો દરમિયાન ત્યાં તેને સા કરડી ગયો હોવાથી તાત્કાલિક સારવાર માટે પ્રથમ વાંકાનેરની સરકારી હોસ્પિટલ ખાતે લઈને આવ્યા હતા ત્યાંથી વધુ સારવાર માટે રાજકોટની સરકારી હોસ્પિટલ ખાતે લઈ જવામાં આવ્યો હતો જોકે, ચાલુ સારવાર દરમિયાન સારવાર કારગત ન નિવડતા તે યુવાનનું મોત નીપજયું હતું જેથી આ બનાવની હોસ્પિટલ મારફતે વાંકાનેર તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

બાઇક સ્લીપ

મોરબીના રવાપર ગામ પાસે આવેલ સંસ્કાર રેસીડેન્સી ખાતે રહેતા રમેશભાઈ છગનભાઈ વડનાગરા (59) નામના વૃદ્ધ બાઈક ઉપર ગોલ્ડન માર્કેટ પાસેથી પસાર થઈ રહ્યા હતા ત્યારે ત્યાં બાઇક સ્લીપ થવાના કારણે અકસ્માત થયો હતો જે બનાવમાં તેઓને ઇજા થયેલ હતી જેથી તેઓને સારવાર માટે મોરબીની ખાનગી હોસ્પિટલમાં લાવ્યા હતા અને આ બનાવની એ ડિવિઝન પોલીસને જાણ કરવામાં આવી હતી

વૃદ્ધા સારવારમાં

મોરબીમાં ગઢની રાંગ પાસે આવેલ ભવાની ચોકમાં રહેતા ઉર્મિલાબા દિલાવરસિંહ જાડેજા (62) નામના વૃદ્ધા બાઈકમાં બેસીને મોરબીના જેલ ચોક પાસેથી પસાર થઈ રહ્યા હતા ત્યારે કોઈ કારણોસર તેઓ બાઈકમાંથી નીચે પડી જતા તેમને ઈજા થયેલ હતી જેથી તેને સારવાર માટે મોરબીની ઓમ ઓર્થોપેડિક હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે આગળની કાર્યવાહી હાથ ધરી હતી.