મોરબીના શનાળા ગામે તળાવમાં ન્હાવા ગયેલ આઠ વર્ષના બાળકનું મોત

મોરબીના શનાળા ગામ પાસે આવેલ તળાવમાં આઠ વર્ષનો બાળક ન્હાવા માટે ગયો હતો ત્યારે તે પાણીમાં ડૂબી ગયો હતો જેથી 108 મારફતે તેને તાત્કાલિક મોરબીની સરકારી હોસ્પિટલ ખાતે લઈને આવ્યા હતા અને ત્યાં ડોક્ટરે તેને જોઈ તપાસીને મૃત જાહેર કર્યો હતો ત્યાર બાદ આ બનાવની એ ડિવિઝન પોલીસને જાણ કરતા પોલીસે અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી હાથ ધરી છે

જાણવા મળતી માહિતી મુજબ મોરબીના સનાળા ગામે શક્તિ માતાજીના મંદિર પાસે રહેતા ગોપાલભાઈ કાનાણીનો આઠ વર્ષનો દીકરો અમિત કાનાણી ગામ પાસે આવેલ તળાવમાં ન્હાવા માટે ગયો હતો ત્યારે ત્યાં પાણીમાં ડૂબી જવાના કારણે તેને તાત્કાલિક 108 મારફતે મોરબીની સરકારી હોસ્પિટલ ખાતે લઈને આવ્યા હતા અને ત્યાં તે બાળકને જોઈ તપાસીને ડોક્ટર દ્વારા મૃત જાહેર કરવામાં આવ્યો હતો ત્યાર બાદ આ બનાવની મૃતક બાળકના પિતા ગોપાલભાઈ સવાભાઈ કાનાણી (25) રહે. સનાળા ગામ મોરબી વાળાએ મોરબી એ ડિવિઝન પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી હાથ ધરી છે

ઝેરી દવા પીધી

મોરબીના માધાપર વિસ્તારમાં રહેતી હેત્વી સંજયભાઈ (15) નામની યુવતી કોઈ કારણોસર દવા પી જતા તેને તાત્કાલિક સારવાર માટે મોરબીની શ્યામ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબીની એ ડિવિઝન પોલીસ સ્ટેશન ખાતે જાણ કરતા પોલીસે બનાવી નોંધ કરી આગળની કાર્યવાહી હાથ ધરી છે

યુવાન સારવારમાં

વાંકાનેરના વઘાસીયા ગામે રહેતો જાગીર હુસેનભાઈ માથુકિયા (24) નામનો યુવાન ઘરે સૂતો હતો ત્યારે તેના પિતા અને ભાઈએ ઈલેક્ટ્રીક શોર્ટ દેતા તે યુવાનને ઇજા થઇ હોવાથી તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરતા પોલીસે આગળની કાર્યવાહી હાથ ધરી છે.