વાંકાનેરના દીઘલીયા ગામના યુવાનને રિસામણે બેઠેલ પત્નીએ દીકરીનું મોઢું ન જોવા દેતા વાડીએ ઝેરી દવા પીને કર્યો આપઘાત

વાંકાનેરના દીઘલીયા ગામે રહેતા યુવાનની પત્ની રીસામણે બેઠી હતી અને ત્યાં તેને દીકરીને જન્મ આપ્યો હતો જો કે, દીકરીનું મોઢું યુવાનને જોવા દેતા ન હતા જેથી યુવાનને મનોમન લાગી આવતા તે યુવાને પોતે પોતાની જાતે વાડીએ ઝેરી દવા પી લીધી હતી જેથી તે યુવાનનું મોત નીપજયું હતું ત્યારબાદ તેના મૃતદેહને પીએમ માટે હોસ્પિટલે લઈ ગયા હતા અને આ બનાવની મૃતક યુવાનના મોટાભાઈ દ્વારા વાંકાનેર તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે.

જાણવા મળતી માહિતી પ્રમાણે વાંકાનેર તાલુકાના દિઘલીયા ગામે રહેતા મુઝફ્ફર ઉસ્માનભાઇ ખોરજીયા (25) નામના યુવાને દીઘલીયા ગામની સીમમાં રેલવેની ફાટક પાસે પોતાની વાડીમાં ઝેરી દવા પી લીધી હતી જેથી તેને ઝેરી અસર થતાં તે યુવાનનું મોત નીપજયું હતું અને ત્યારબાદ તેના મૃતદેહને પીએમ માટે વાંકાનેરની સરકારી હોસ્પિટલ ખાતે લઈને આવ્યા હતા અને આ બનાવની મૃતક યુવાનના મોટાભાઈ ગુલામમોહીદિન ઉસ્માનભાઈ ખોરજીયા (28) રહે. દિઘલીયા વાળાએ વાંકાનેર તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે અને વધુમાં પોલીસ પાસેથી મળતી વિગત પ્રમાણે મૃતક યુવાનની પત્ની બેઠેલ છે અને તેણે પિયરમાં દીકરીને જન્મ આપ્યો હતો જો કે, દીકરીનું મોઢું મૃતક યુવાનને જોવા દેતા ન હતા જેથી તેને મનોમન લાગી આવતા તે યુવાને પોતે પોતાની વાડીએ જઈને ઝેરી દવા પી લેતા તે યુવાનનું મોત નીપજયું હતું જે અંગેની પોલીસે નોંધ કરીને આગળની રાબેતા મુજબની કાર્યવાહી હાથ ધરી છે.