મોરબીના જૂના ઘૂટું રોડે બંધ પડેલા સિરામિક કારખાનામાં માટીના ઢગલા ઉપરથી બીમારી સબબ યુવાનનું મોત

મોરબીના જૂના ઘૂટું રોડે આવેલ યેસા ટાઇલ્સ નામના પડી ગયેલા કારખાનામાં માટીના ઢગલા ઉપરથી બીમારી સબબ મૃત્યુ પામેલ હાલતમાં યુવાનનો મૃતદેહ મળી આવ્યો હતો જેથી તેના મૃતદેહને પીએમ માટે હોસ્પિટલે લઈને આવ્યા હતા અને આ બનાવની મૃતક યુવાનના પરિવારજન દ્વારા તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે.

જાણવા મળતી માહિતી મુજબ મૂળ બિહારના રહેવાસી અને હાલમાં મોરબી તાલુકાના જૂના ઘૂટું રોડે આવેલ સિટી સીરામીક કારખાનાના લેબર કોલોનીમાં રહેતા અને મજૂરી કામ કરતા સદરે આલમ ઉર્ફે મુલચંદ મોહમદ તૈયબ શેખ (38) નામના યુવાનો જુના રોડ ઉપર આવેલ સેલોન સીરામીકની બાજુમાં બંધ પડેલ યેસા સિરામિક નામના પડી ગયેલા કારખાનામાં માટીના ઢગલા ઉપર બીમારી સબબ મોત નીપજયું હતું જેથી તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને ત્યારબાદ આ બનાવની મોહમદ ગુલાબ મોહમદ તૈયબ શેખ (40) રહે. સોની સિરામિક કારખાનાની લેબર કોલોનીમાં જાંબુડીયા તાલુકો મોરબી મૂળ રહે. બિહાર વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી કરેલ છે.