મોરબી નજીક કારખાનામાં યુવાનનું ગળું દબાવીને નિર્મમ હત્યા કરનારા મેનેજરની ધરપકડ
Morbi Today
મોરબીના રામ પાર્કમાંથી દવા લેવા જવાનું કહીને નીકળેલ યુવતી ગુમ
SHARE
JOIN OUR GROUP
મોરબીના રામ પાર્કમાંથી દવા લેવા જવાનું કહીને નીકળેલ યુવતી ગુમ
મોરબીના જુના ઘૂટું રોડ ઉપર આવેલ રામ પાર્કમાં રહેતા પરિવારની દીકરી ઘરેથી દવા લેવા જવાનું કહીને નીકળી હતી ત્યારબાદ તે ગુમ થઈ ગયેલ છે જેથી ગુમ થયેલ યુવતીના પિતાએ હાલમાં મોરબી તાલુકા પોલીસ સ્ટેશન ખાતે ફરિયાદ આપતા પોલીસે તેની નોંધીને ગુમ થયેલ યુવતીને શોધવા માટે તજવીજ હાથ ધરી છે
મૂળ રાજકોટના ખોરાણા ગામના રહેવાસી અને હાલમાં મોરબીના જુના ઘૂટું રોડ ઉપર સિમ્પોલ સિરામિક કારખાના પાસે આવેલ રામપાર્કમાં રહેતા નિલેશભાઈ નારણભાઈ સોલંકી (50) નામના આધેડે મોરબી તાલુકા પોલીસ સ્ટેશન ખાતે તેની દીકરી સવિતાબેન નિલેશભાઈ સોલંકી (24) ગુમ થઈ હોવાની ગુમ સુધા ફરિયાદ નોંધાવેલ છે જેમાં તેને જણાવ્યુ છે કે, તેઓની દીકરી સવિતાબેન ઘરેથી દવા લેવા જાઉં છું તેવું કહીને નીકળી હતી અને ત્યારબાદ તે ગુમ થઈ ગયેલ છે જેથી ગુમ થયેલ યુવતીના પિતાએ નોંધાવેલ ફરિયાદ આધારે પોલીસે યુવતીને શોધવા માટે થઈને તજવીજ હાથ ધરી છે આ અંગેની આગળની વધુ તપાસ નંદરામભાઇ મેસવાણિયા ચલાવી રહ્યા છે.
ઝેરી દવા પી લેતા સારવારમાં
મોરબી તાલુકાના ચકમપર ગામે વાડી વિસ્તારમાં રહીને મજૂરી કામ કરતા નાયક હસમુખભાઈ ભુપતભાઈ (19) નામનો યુવાન કોઈ કારણોસર ઝેરી દવા પી જતાં તેને સારવાર માટે પ્રથમ જેતપરના સામુહિક આરોગ્ય કેન્દ્ર ખાતે લાવ્યા હતા અને ત્યારબાદ ત્યાંથી વધુ સારવાર માટે તેને મોરબીની સિવિલ હોસ્પિટલ ખાતે લાવ્યા છે અને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
સાપ કરડી જતાં સારવારમાં
મોરબીના વિજયનગરમાં રહેતા ઉમરભાઈ ઇલિયાસભાઈ સુમરા (48) નામનો યુવાન જાંબુડીયા અને રફાળેશ્વર ગામ નજીક હતો ત્યારે ત્યાં તેને સાપ કરડી જતાં યુવાનને તાત્કાલિક સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપ્યા બાદ આ બનાવની તાલુકા પોલીસને જાણ કરવામાં આવી હતી.
