વાંકાનેરના પાંચદ્વારકામાં મૈત્રી કરાર કરનાર યુવાન ઉપર યુવતીના પિતા સહિત ચાર શખ્સોએ કર્યો હુમલો

વાંકાનેરના પાંચદ્વારકા ગામે રહેતા યુવાને જે યુવતી સાથે પ્રેમ સંબંધ હતો તેની સાથે મૈત્રી કરાર કરેલ હતા તે બાબતનો ખાર રાખીને યુવતીના પિતા સહિત કુલ ચાર શખ્સો દ્વારા યુવાનને ધોકા વડે મારવામાં આવ્યો હતો અને શરીરે ઇજાઓ કરવામાં આવી હતી જેથી ઇજા પામેલા યુવાનને સારવારમાં ખસેડવામાં આવ્યા હતા અને ત્યારબાદ યુવાને નોંધાવેલ ફરિયાદ આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે

વાંકાનેર તાલુકાના પાંચદ્વારકા ગામે રહેતા લખમણભાઇ ભીખાભાઈ બહુકિયા (36)એ હાલમાં વાંકાનેર તાલુકા પોલીસ સ્ટેશન ખાતે પોપટભાઈ કાનજીભાઈ દંતેસરિયા, મનીષભાઈ પોપટભાઈ દંતેસરિયા, વિક્રમભાઈ પરસોતમભાઈ દંતેસરિયા અને મુકેશભાઈ પરસોતમભાઈ દંતેસરિયા રહે બધા પાંચદ્વારકા વાળાની સામે ફરિયાદ નોંધાવે છે જેમાં તેને જણાવ્યું છે કે તેને આરોપી પોપટભાઈ દંતેસરિયાની દીકરી સાથે પ્રેમ સંબંધ હોય તેની સાથે મૈત્રી કરાર કરેલ છે જે બાબતનો ખાસ રાખીને ફરિયાદી ગામમાં મંદિર પાસે ઉભો હતો ત્યારે પાછળથી ચારે આરોપીઓ તેની પાસે આવ્યા હતા અને ત્યારે પોપટભાઈએ ધોકા વડે જમણા પગના નળાના ભાગે માર મારીને ઇજા કરી હતી તેમજ મનીષભાઈ, વિક્રમભાઈ અને મુકેશભાઇએ પણ ધોકા વડે ફરીયાદી યુવાનને હાથે પગે અને શરીરે માર માર્યો હતો તેમજ મોઢાના ભાગે આંખની નીચેના ભાગમાં ઇજા કરી હતી જેથી કરીને ઇજા પામેલા યુવાનને સારવાર માટે હોસ્પિટલે લઇ ગયા હતા અને ત્યારબાદ તેને નોંધાવેલ ફરિયાદ આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે