મોરબીના શનાળા ગામે ઘરમાંથી વ્હીસ્કી દારૂની મોંઘીદાટ 8 બોટલ સાથે એક આરોપી પકડાયો

મોરબીના સનાળા ગામે ઇન્દિરાવાસમાં રહેતા શખ્સનાં ઘરની અંદર દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરમાંથી દારૂની મોંઘીદાટ 8 બોટલો મળી આવી હતી જેથી પોલીસે 23,430 ની કિંમતનો મુદ્દામાલ કબજે કરીને આરોપીની ધરપકડ કરી હતી અને મોરબી એ ડિવિઝન પોલીસ સ્ટેશને ગુનો નોંધી આગળની કાર્યવાહી હાથ ધરી છે

જાણવા મળતી માહિતી મુજબ મોરબી નજીકના સનાળા ગામે આવેલ ઇન્દિરાવાસમાં રહેતા અશ્વિનભાઈ વાઘેલાના રહેણાંક મકાનમાં દારૂનો જથ્થો હોવાની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી તેના ઘરની અંદરથી બ્લેન્ડર પ્રાઇડ પ્રીમીયમ વ્હિસ્કી, ballantines finest બ્લેન્ડડ સ્કોચ વ્હિસ્કી અને જોની વોકર રેડ લેબલ બેલ્ડેડ સ્કોચ વ્હિસ્કી નામની દારૂની 8 બોટલો મળી આવી હતી જેથી પોલીસે મોંઘીદાટ દારૂની બોટલો જેની કિંમત 23,430 રૂપિયાનો મુદ્દામાલ કબજે કર્યો હતો અને આરોપી અશ્વિનભાઈ રવજીભાઈ વાઘેલા (35) રહે. સનાળા જુના ગામ ઇન્દિરાવાસ મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધીને પોલીસ આગળની કાર્યવાહી હાથ ધરી છે.

દેશી દારૂની ભઠ્ઠી

ટંકારા તાલુકાના નેસડા (ખાનપર) ગામે ગૌશાળાની સામેના ભાગમાં આવેલ ઓરડીમાં દારૂની રેડ કરી હતી ત્યારે સ્થળ ઉપરથી દેશી દારૂ બનાવવા માટે ઉપયોગમાં લેવામાં આવતો 100 લિટર  આથો તથા અન્ય મુદ્દામાલ મળી આવતા 3,000 રૂપિયાની કિંમતનો મુદ્દામાલ પોલીસે કબજે કર્યો હતો અને પોલીસે દારૂની રેડ કરી હતી ત્યારે આરોપી હાજર ન હોય પ્રકાશભાઈ પ્રેમજીભાઈ પીપળીયા રહે. નેસડા (ખાનપર) વાળાની સામે ગુનો નોંધીને પોલીસ આરોપીને પકડવા માટે તજવીજ શરૂ કરેલ છે.