મોરબીમાં કાલે નીલકંઠ વિદ્યાલય ખાતે રાખી મેકીંગ કોમ્પીટીશન યોજાશે
Morbi Today
મોરબી શહેર-તાલુકામાં જુગારની બે રેડ: 14 શખ્સો 1.24 લાખની રોકડ સાથે પકડાયા
SHARE
JOIN OUR GROUP
મોરબી શહેર-તાલુકામાં જુગારની બે રેડ: 14 શખ્સો 1.24 લાખની રોકડ સાથે પકડાયા
મોરબી શહેરના મહેન્દ્રપરા વિસ્તાર તથા તાલુકાના ટિંબડી ગામે જુગારની જુદી-જુદી બે રેડ કરવામાં આવી હતી અને ત્યારે કુલ મળીને 14 શખ્સોને જુગાર રમતા પોલીસ દ્વારા ઝડપી પાડવામાં આવ્યા હતા અને આ બંને રેડમાં કુલ મળીને 1.24 લાખ રૂપિયાની રોકડ પોલીસ દ્વારા કબજે કરીને સ્થાનિક પોલીસ સ્ટેશનમાં જુગારના ગુના નોંધીને આગળની કાર્યવાહી હાથ ધરી છે.
મોરબી શહેરના મહેન્દ્રપરા વિસ્તારમાં શેરી નં-4 માં રામદેવપીરના મંદિર પાસે જાહેરમાં જુગાર રમતા હોવાની હકીકત મળી હતી તેના આધારે સ્થાનિક પોલીસ દ્વારા ત્યાં જુગારની રેડ કરવામાં આવતા સ્થળ ઉપરથી યસભાઈ હીરાભાઈ ખીટ (22), વિક્રમભાઈ રમેશભાઈ પરસાડીયા (32), હિતેશ રમેશભાઈ પરમાર (27), સુનિલભાઈ ધનજીભાઈ નકુમ (33), રવિભાઈ દેવાભાઈ ડાભી (19), પરેશભાઈ હીરાભાઈ પરમાર (36), મનીષભાઈ દેવકણભાઈ ખાણદર (36) અને કિશનભાઇ હિતેશભાઈ ડાભી (19) રહે. બધા મોરબી વાળા જુગાર રમતા મળી આવ્યા હોય પોલીસે તેઓની પાસેથી રોકડા 43,700 કબ્જે કર્યા હતા અને મોરબી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધી પોલીસ આગળની કાર્યવાહી હાથ ધરી છે
મોરબી નજીકના ટિંબડી ગામે રહેતા મહેશભાઈ નાનજીભાઈ પરમારના ઘરમાં નાળ ઉઘરાવીને જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા મહેશભાઈ નાનજીભાઈ પરમાર (38), દેવજીભાઈ કાંતિભાઈ પરમાર (27), સલીમભાઈ ઉસ્માનભાઈ સબાવત (25), ધીરજભાઈ હિરજીભાઈ ડાભી (25), અમરશીભાઈ ઉર્ફે રમેશ મગનભાઈ પરમાર (47) રહે. બધા ટિંબડી અને અનિલભાઈ દાનાભાઈ વસરા (36) રહે. મોરબી વાળા જુગાર રમતા મળી આવ્યા હોય પોલીસે તેઓની પાસેથી 75,300 ની રોકડ કબજે કરી હતી અને મોરબી તાલુકા પોલીસ સ્ટેશન ખાતે જુગારધારા હેઠળ ગુનો નોંધી પોલીસે આગળની કાર્યવાહી હાથ ધરી છે.
