આગામી ફેબ્રુઆરીની શરૂઆતમા ભારતભરના રાજપૂત સમાજના ૧૦૦૦ દીકરાઓ માટે ૨૧ દિવસીય તાલીમ કેમ્પનું આયોજન
મોરબીના ટિંબડી ગામે મંદિરની છત ઉપર નીચે પડતાં માથામાં ઇજા પામેલ યુવાનનું મોત
SHARE
મોરબીના ટિંબડી ગામે મંદિરની છત ઉપર નીચે પડતાં માથામાં ઇજા પામેલ યુવાનનું મોત
મોરબી તાલુકાના ટિંબડી ગામે મંદિરની છત ઉપર કામ કરતા સમયે અકસ્માતે નીચે પડવાથી યુવાનને માથાના ભાગે ગંભીર ઈજા થઈ હતી જેથી તેને ખાનગી હોસ્પિટલમાં અને ત્યારબાદ વધુ સારવાર માટે રાજકોટ સુધી લઈ ગયા હતા જોકે સારવાર કારગત સાથે યુવાનનું મોત નીપજયું હતું અને આ બનાવની મૃતક યુવાનના પરિવારજન દ્વારા મોરબી તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની કાર્યવાહી કરવામાં આવેલ છે.
મોરબી તાલુકાના જુના ટિંબડી ગામે રહેતો વિજયભાઈ તેજાભાઈ ગમારા (27) નામનો યુવાન ગામમાં આવેલ રામદેવપીરના મંદિરની છત ઉપર કામ કરતો હતો દરમિયાન અકસ્માતે તે ઉપરથી નીચે પટકાતા તેને માથાના પાછળના ભાગે ગંભીર ઇજા થઈ હતી જેથી તેને પ્રાથમિક સારવાર માટે મોરબીની ખાનગી હોસ્પિટલમાં લઈને આવ્યા હતા ત્યારબાદ વધુ સારવાર માટે તેને રાજકોટ સુધી લઈ ગયા હતા જોકે સારવાર કારગત ન નિવડતા યુવાનનું મોત નીપજયું હતું અને આ બનાવની મૃતકના પરિવારજન ખોડાભાઈ જલાભાઈ ગમારા (23) રહે. જૂની ટિંબડી વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે









