મોરબીમાંથી 3 અને વાંકાનેરના માટેલ પાસેથી 10 બોટલ દારૂ સાથે એક-એક શખ્સ પકડાયા

મોરબીના વાવડી રોડ ઉપર આવેલ શ્રીજી પાર્ક પાસેથી 3 બોટલ સાથે એક શખ્સ ઝડપાયો હતો જ્યારે વાંકાનેરના માટેલ ગામ પાસેથી 10 બોટલ દારૂ સાથે એક શખ્સને પકડવામાં આવેલ છે અને બંને રેડના સ્થાનિક પોલીસ સ્ટેશન ખાતે ગુના નોંધીને પોલીસ આગળની રાબેતા મુજબની કાર્યવાહી હાથ ધરી છે. 

મોરબીના વાવડી રોડ ઉપર આવેલ શ્રીજી પાર્ક શેરી નં-3 પાસેથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવતા તેની પાસેથી દારૂની બે બોટલ મળી આવી હતી જેથી પોલીસે 1372 રૂપિયાની કિંમતની દારૂની બોટલો સાથે દશરથસિંહ ઉર્ફે દશુભા વનરાજસિંહ ઝાલા (23) રહે. માધાપર શેરી નં- 22 મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.

વાંકાનેરના માટેલ ગામની સીમથી જુના પલાસ ગામ તરફ જવાના રસ્તા ઉપર આવેલ આશ્રમ શાળા નજીકથી પસાર થઈ રહેલ શખ્સને રોકીને પોલીસ દ્વારા ચેક કરવામાં આવતા તેની પાસેથી દારૂની 10 બોટલ મળી આવી હતી જેથી પોલીસે 13,000 રૂપિયાની કિંમતની દારૂની બોટલો કબજે કરી હતી અને આરોપી મહેશ ઉર્ફે મસો ટીડાભાઇ ધેણોજા (30) રહે. માટેલ વાળાની ધરપકડ કરી હતી અને તેની સામે વાંકાનેર તાલુકા પોલીસ સ્ટેશન ખાતે ગુનો નોંધી પોલીસ આગળની કાર્યવાહી હાથ ધરી છે