કોણ કરશે પહેલો ઘા ?: મોરબીના સિરામિક ઉદ્યોગનું માર્કેટ સર કરવા ગેસ કંપનીઓ ઉંધા માથે, ગેસના ભાવમાં 5 રૂપિયાથી વધુનો ઘટાડો થવાના સંકેત

વિશ્વ કક્ષાના સિરામિક ઉદ્યોગ મોરબીની આસપાસમાં આવેલમાં આવેલ છે અને ઉદ્યગોકારો દ્વારા ઇન્ટર નેશનલ માર્કેટમાં ટકી રહેવા માટે જે ગેસ સસ્તો મળે તે લઈને માલનું ઉત્પાદન કરવાં આવે છે જો કે, નેચરલ ગેસ કરતાં પ્રોપેન ગેસ સસ્તો રહેતો હોવાથી ઉદ્યોગકારોએ કરોડો રૂપિયાનો ખર્ચ કરીને તેઓના કારખાનામાં ગેસના ટાંકા સહિતની મશીનરી ફિટ કરાવી છે જો કે, પ્રોપેન ગેસ સપ્લાય કરતી કંપની દ્વારા ભાવમાં ઘટાડો થઈ શકે તેમ છે તો પણ ભાવમાં ઘટાડો કરવામાં આવી રહ્યો નથી જેથી ઉદ્યોગકારો નારાજ છે અને પ્રોપેન ગેસ  સપ્લાઈ કરતી કંપની પાસેથી માલની ખરીદી બંધ કરવા માટેનું એલાન કરી દેવામાં આવ્યું છે ત્યારે મોરબીના સિરામિક ઉદ્યોગનું ગેસની સપ્લાઈ માટે માર્કેટ સર કરવા ગેસ કંપનીઓ ઉંધા માથે થઈ છે અને તાજેતરમાં એક ખાનગી મિટિંગ પણ મળી હતી. ત્યાર બાદ મોરબીના સિરામિક ઉદ્યોગમાં વપરાતા ગેસના ભાવમાં 5 રૂપિયાથી વધુનો ઘટાડો થવાના સંકેત મળી રહ્યા છે જો કે, ગેસના ભાવમાં ઘટાડો કરવા માટે પહેલો ઘા ગુજરાત ગેસ કંપની કરશે કે પછી પ્રોપેન ગેસ સપ્લાઈ કરતી કંપની કરશે તેના ઉપર સહુ કોઇની નજર છે.

મોરબીની આસપાસમાં સિરામિકના કારખાનામાં આવેલા છે જેમાં બનતી સિરામિક પ્રોડક્ટને મોરબીથી દેશના દરેક ખૂણામાં તથા વિદેશ મોકલવામાં આવે છે. જો કે, સીરામીક ઉદ્યોગમાં ગળાકાપ હરીફાઈ, બજારમાં મંદી, જુદાજુદા દેશમાં યુધ્ધની સ્થિતિ સહિતના કારણોસર હાલમાં સિરામિક ઉદ્યોગકારોને બજારમાં ટકી રહેવું મુશ્કેલ બની ગયું હતું દરમ્યાન મોરબીના સિરામિક ઉદ્યોગકારો સિરામિક પ્રોડક્ટના ઉત્પાદન માટે જે ગેસનો ઉપયોગ કરે છે તેના ભાવ ઇન્ટર નેશનલ માર્કેટમાં ઘટી ગયા હોવા છતાં પણ લોકલ માર્કેટમાં ઉદ્યોગકારો પાસેથી વધુ ભાવ લેવામાં આવે છે જેથી કરીને થોડા સમય પહેલા મોરબીના લાલપર ગામ પાસે આવેલ સીરામીક એસો.ના હૉલ ખાતે ઉદ્યોગકારોની તાબડતોબ બેઠકનું આયોજન કરવામાં આવ્યું હતું. કેમ કે, ઇન્ટરનેશનલ માર્કેટમાં છેલ્લા ત્રણ મહિનાથી પ્રોપેન અને એલપીજી ગેસના ભાવ ઘટી ગયા છે તો પણ પ્રોપેન અને એલપીજી ગેસની સપ્લાય કરતી કંપની દ્વારા સિન્ડિકેટ બનાવીને મોરબીના સિરામિક ઉદ્યોગકારોને ઊંચા ભાવે ગેસની સપ્લાઈ કરવામાં આવે છે. જેથી તેની પાસેથી ગેસની ખરીદી બંધ કરવા માટેનો સામૂહિક રીતે મોરબી સિરામિક એસો.ના પ્રમુખોની હાજરીમાં ઉદ્યોગકારો દ્વારા નિર્ણય લેવામાં આવ્યો હતો જેથી કરીને હાલમાં ગેસની સપ્લાઈ કરતી કંપનીઓમાં દોડધામ મચી ગયેલ છે અને સૂત્રો પાસેથી મળતી માહિતી મુજબ તાજેતરમાં ગેસ કંપનીના જવાબદાર અધિકારીઓએ દ્વારા મોરબી સિરામિક ઉદ્યોગના આગેવાનો સાથે ખાનગીમાં મિટિંગ કરી હતી. જેથી નેચરલ ગેસ અને પ્રોપેન ગેસ સપ્લાઈ કરતી કંપનીઓમાંથી મોરબી સિરામિક ઉદ્યોગનું માર્કેટ કોણ સર કરશે તેના ઉપર સહુ કોઇની નજર મંડાયેલ છે.

ઉલેખનીય છેકે, હાલમાં મોરબીના સિરામિક ઉદ્યોગકારો દ્વારા ઇંધણ તરીકે નેચરલ ગેસ અને પ્રોપેન ગેસનો ઉપયોગ કરીને સિરામિક પ્રોડક્ટનું ઉત્પાદન કરવામાં આવે છે જોકે, અગાઉ માત્ર નેચરલ ગેસ એક જ વિકલ્પ હતો ત્યારે મોરબીમાં દૈનિક 75 લાખ કયુબિક મીટર ગેસની સપ્લાઈ ગુજરાત ગેસ કંપની દ્વારા કરવામાં આવતી હતી જો કે, ત્યારે ગુજરાત ગેસ કંપની દ્વારા તેના ભાવ ધીમેધીમે કરતાં આસમાને લઈ જવામાં આવતા અહીના ઉદ્યોગકારોએ કરોડો રૂપિયાના ખર્ચા કરીને તેઓના કારખાનામાં પ્રોપેન ગેસના ઉપયોગ માટેનો વિકલ્પ ઉભો કર્યો હતો અને પ્રોપને ગેસનો ઉપયોગ શરૂ કરવામાં આવેલ હતો કેમ કે, નેચરલ ગેસ કરતાં પ્રોપેન ગેસ સસ્તો પડતો હતો જો કે, આજની તારીખે પણ નેચરલ ગેસ કરતાં પ્રોપેન ગેસ લગભગ સાડા ચાર રૂપિયા જેટલો સસ્તો છે પરંતુ ઇન્ટર નેશનલ ગેસના ભાવમાં તોતિંગ ઘટાડો થયેલ છે જેથી કરીને મોરબીમાં સપ્લાઈ કરવામાં આવતા ગેસના ભાવમાં પણ ઘટાડો થવાની પૂરી શ્ક્યતા છે જો કે, કંપનીઓ દ્વારા સિન્ડિકેટ બનાવીને મોરબીમાં ઊંચા ભાગે ગેસની સપ્લાઈ કરવામાં આવે છે જેથી મોરબીના ઉદ્યોગકારોને ગેસ મોંઘો પડે છે અને અહીના ઉદ્યોગકારો ઇન્ટર નેશનલ માર્કેટમાં ચાઈનાની એસએમે ટકી શકતા નથી.

વધુમાં મળતી માહિતી મુજબ ગેસ સપ્લાઈ કરતી બંને મુખ્ય કંપનીના જવાબદાર અધિકારીઓએ સિરામિક ઉદ્યોગના આગેવાનો સાથે મિટિંગ કરવા માટે આવ્યા હતા ત્યારે આગેવાનોએ સ્પષ્ટ શબ્દોમાં કહી દીધુ હતું કે, જે કંપની દ્વારા મોરબીના સિરામિક ઉદ્યોગકારોને સસ્તો ગેસ સપ્લાઈ કરવામાં આવશે તેની જ પાસેથી ગેસની ખરીદી ઉદ્યોગકારો દ્વારા કરવામાં આવશે. અત્રે ઉલેખનીય છે કે, પહેલા નેચરલ ગેસ મોરબીના દૈનિક 75 લાખ કયુબિક મીટર વપરાતો હતો જો કે, હાલમાં માત્ર 17 થી 18 લાખ કયુબિક મીટર નેચરલ ગેસ ઉદ્યોગકારો દ્વારા વાપરવામાં આવે છે અને પ્રોપેન ગેસ દૈનિક 55 લાખ કયુબિક મીટર જેટલો વાપરવામાં આવે છે જો કે, પ્રોપેન ગેસની સપ્લાઈ કરતી કંપની દ્વારા ગેસના વધુ ભાવ લેવામાં આવે છે જેથી મોરબીના સિરામિક ઉદ્યોગકારોમાં તેની સામે નારાજગી છે તેમાં શંકાને કોઈ સ્થાન નથી તેવા સમયે પ્રોપેન ગેસના વર્તમાન ભાવમાં ઘટાડો કરીને પ્રોપેન ગેસની સપ્લાઈ કરતી કંપનીઓ તેનું મોરબીનું માર્કેટ ટકાવી રાખશે કે પછી “પહેલો ઘા રાણા નો” તે કહેવત મુજબ ગુજરાત ગેસ કંપની દ્વારા નેચરલ ગેસના ભાવમાં ઘટાડો કરીને ગુમાવેલ માર્કેટને પાછું કબ્જે કરવામાં આવે છે તે તો આગામી સમય જ બતાવશે. જો કે, બંને ગેસ કંપનીઓ વચ્ચે માર્કેટને હસ્તગત કરવા માટેની છેલ્લી 48 કલાકથી કવાયત શરૂ કરવામાં આવી છે જેથી કરીને ગેસના ભાવમાં નજીકના દિવસોમાં અંદાજે 5 રૂપિયા કરતાં વધુનો ભાવ ઘટાડો થશે તેવા સંકેતો હાલમાં મળી રહ્યા છે. આમ જુદીજુદી ગેસ કંપની વચ્ચે ચાલતી હરિફાઇનો સીધો લાભ હવે મોરબીના સિરામિક ઉદ્યોગકારોને મળશે. તેમાં શંકાને કોઈ સ્થાન નથી.