વાંકાનેરના યક્ષપુરુષનગર નજીક હાઇવે ઉપરથી 1000 લિટર દેશી દારૂ ભરેલ બોલેરો સાથે બે પકડાયા, 5 લાખનો મુદામાલ કબ્જે: બેની શોધખોળ
SHARE
JOIN OUR GROUP
વાંકાનેરના યક્ષપુરુષનગર નજીક હાઇવે ઉપરથી 1000 લિટર દેશી દારૂ ભરેલ બોલેરો સાથે બે પકડાયા, 5 લાખનો મુદામાલ કબ્જે: બેની શોધખોળ
વાંકાનેર તાલુકામાં આવતા યક્ષપુરુષનગર આઇઓસી પેટ્રોલ પંપની સામેથી વાંકાનેરથી મોરબી તરફ જવાના નેશનલ હાઈવે રોડ ઉપરથી પસાર થતી બોલેરો ગાડીને પોલીસ દ્વારા રોકવામાં આવી હતી અને તેને ચેક કરવામાં આવી હતી ત્યારે ગાડીમાંથી 1,000 લીટર દેશી દારૂનો જથ્થો મળી આવતા પોલીસે દારૂ અને વાહન મળીને 5 લાખ રૂપિયાની કિંમતનો મુદ્દામાલ કબજે કર્યો છે અને બોલેરોમાં બેઠેલા બે શખ્સોને પકડવામાં આવ્યા છે અને તેની પાસેથી દારૂનો જથ્થો ભરી આપનાર તથા મંગાવનારના નામ સામે આવ્યા હોય કુલ ચાર શખ્સો સામે ગુનો નોંધી પોલીસે બાકીના બે આરોપીને પકડવા માટે તજવીજ શરૂ કરેલ છે
વાંકાનેર તાલુકા પોલીસની ટિમ પેટ્રોલિંગમાં હતી ત્યારે વાંકાનેર મોરબી હાઇવે રોડ ઉપર આવેલ યક્ષપુરુષનગર આઇઓસીના પેટ્રોલ પંપની સામેથી બોલેરો ગાડી નંબર જીજે 3 બીડબલ્યુ 3201 પસાર થઈ હતી જેને તાલુકા પોલીસની ટીમ દ્વારા રોકવામાં આવી હતી અને ત્યારબાદ તે બોલેરો ગાડીને ચેક કરવામાં આવતા તેમાંથી 1,000 લીટર દેશી દારૂનો જથ્થો મળી આવતા પોલીસે 2 લાખની કિંમતનો દારૂ તેમજ 3 લાખ રૂપિયાની કિંમતની ગાડી આમ કુલ મળીને 5 લાખ રૂપિયાની કિંમતનો મુદ્દામાલ કબજે કર્યો હતો અને સ્થળ ઉપરથી ગાડીમાં બેઠેલ ઇમરાનભાઈ ઉર્ફે ભાઈજાન રજાકભાઈ ડેલીવાળા (30) રહે. ઘાંચીવાડ કબ્રસ્તાન પાસે ચોટીલા તથા સંજયભાઈ ઉર્ફે બગો દુદાભાઈ મેર (24) રહે. હાલ મોટી મોલડી હિંગળાજ માતાના મંદિરની સામે રમેશભાઈની વાડીએ તાલુકો ચોટીલા વાળાની ધરપકડ કરેલ છે અને આ બંને શખ્સોની પ્રાથમિક પૂછપરછ દરમ્યાન દારૂ ગાડીમાં ભરી આપનાર વિજયભાઈ ઉર્ફે ભૂરો વાલજીભાઈ માલકીયા રહે. રેશમિયા તાલુકો ચોટીલા તથા દારૂ મંગાવનાર કુલદીપભાઈ ભરતભાઈ પાડલીયા રહે. બેલા (રંગપર) વાળાનું નામ સામે આવેલ છે. જેથી હાલમાં વાંકાનેર તાલુકા પોલીસ સ્ટેશન ખાતે ચાર શખ્સોની સામે ગુનો નોંધાયો છે અને બાકીના બે આરોપીને પકડવા માટે પોલીસ દ્વારા તજવીજ શરૂ કરવામાં આવી છે.
સાપ કરડી
ટંકારાના ઘુનડા ગામે દેવાબાપાની વાડીએ રેતાને મજૂરી કામ કરતા મધુભાઈ કોળીના આઠ વર્ષના દીકરા વિજયને સાપ કરડી જતા તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
અકસ્માતમાં ઇજા
મોરબીના કાલિકા પ્લોટ વિસ્તારમાં રહેતા નરેન્દ્રભાઈ પરમારનો 15 વર્ષનો દીકરો તનિષ બાઈકમાં મોરબીના રવાપર રોડ ઉપર આવેલ વીમાર્ટ પાસેથી પસાર થઈ રહ્યો હતો ત્યારે કોઈ કારણસર બાઈક સ્લીપ થવાના કારણે અકસ્માત થયો હતો જે બનાવમાં ઇજા પામેલા બાળકને સારવાર માટે હોસ્પિટલે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી હતી.
