મોરબી તાલુકામાં સગીરા સાથે દુષ્કર્મ, આરોપી પોલીસની હાથવેંતમાં
SHARE
JOIN OUR GROUP
મોરબી તાલુકામાં સગીરા સાથે દુષ્કર્મ, આરોપી પોલીસની હાથવેંતમાં
મોરબીના તાલુકા વિસ્તારમાં આવેલ ઔદ્યોગિક એકમમાં કામ કરતાં પરિવારની સગીર દીકરીને લાલચવી ફોસલાવીને તેની સાથે દુષ્કર્મ આચર્યું હતું જે બનાવ સંદર્ભે સગીરાએ તેઓના વતનમાં પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને હાલમાં આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આરોપીને પકડવા માટે તજવીજ શરૂ કરેલ છે
જાણવા મળતી માહિતી મુજબ મૂળ એમપીનો રહેવાસી પરિવાર મોરબી તાલુકાના ગ્રામ્ય વિસ્તારમાં આવેલ ઔદ્યોગિક એકમમાં કામ કરવા માટે આવ્યો હતો અને તે પરિવાર કારખાનામાં રહેતો હતો દરમિયાન રાકેશ હિમરાજ મેડા રહે. મૂળ એમપી વાળા શખ્સે તે પરિવારની સગીર દીકરીને લાલચવી ફોસલાવીને તેની સાથે દુષ્કર્મ આચર્યું હતું જે બનાવ સંદર્ભે ભોગ બનેલ સગીરા દ્વારા તેઓના વતનમાં જઈને ત્યાં પોલીસ સ્ટેશન ખાતે ફરિયાદ નોંધવામાં આવતા પોલીસે દુષ્કર્મ, પોકસો સહિતની કલમ હેઠળ ગુનો નોંધીને મોરબી તાલુકા પોલીસ સ્ટેશન ખાતે જીરો નંબરથી આ ફરિયાદ મોકલવામાં આવી છે જેના આધારે પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરી છે અને આ ગુનામાં આરોપી પોલીસની હાથમાં હોવાનું જાણવા મળ્યું છે
યુવાન સારવારમાં
મોરબીના રાજપર ગામે રહેતા છત્રાભાઈ નટુભાઈ (43) નામનો યુવાન પંચાસર અને રાજપર વચ્ચેથી બાઇકમાં જઈ રહ્યો હતો ત્યારે બાઇક સ્લીપ થવાને કારણે અકસ્માત થયો હતો જે બનાવમાં ઇજા પામેલ યુવાનને સારવાર માટે હોસ્પિટલે લઈને આવ્યા હતા અને આ બનાવની પોલીસને જાણ કરવામાં આવી છે
મારામારીમાં ઇજા
મોરબીમાં ઉમા ટાઉનશીપ પાસે મારામારીનો બનાવ બન્યો હતો જે બનાવમાં વિજય બાબુભાઈ કુંઢીયા (37) અને લક્ષ્મી વિજયભાઈ કુંઢીયા (12) રહે. બંને ભીમસર વાળાને ઇજાઓ થઈ હતી જેથી તેને સારવાર માટે સિવિલ હોસ્પિટલ ખાતે લાવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે
