મોરબીના ગાળા ગામના પાટીયા પાસેથી બીયરના 12 ટીન સાથે એક શખ્સ પકડાયો

મોરબી માળીયા હાઈવે રોડ ઉપર આવેલ ગાળા ગામના પાટીયા પાસેથી પસાર થયેલ શખ્સને રોકીને પોલીસે ચેક કરતા તેની પાસેથી બીયરના 12 ટીન મળી આવ્યા હતા જેથી 3168 રૂપિયાની કિંમતનો મુદ્દામાલ કબજે કરીને પોલીસે આરોપીની ધરપકડ કરી હતી અને તેની સામે તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.

મોરબી તાલુકા પોલીસની ટીમ પેટ્રોલિંગમાં હતી ત્યારે મોરબી માળિયા હાઇવે રોડ પર આવેલ ગાળા ગામના પાટીયા પાસેથી પસાર થઈ રહેલ શખ્સને રોકીને પોલીસે ચેક કર્યો હતો ત્યારે તેની પાસેથી બિયરના 12 ટીન મળી આવ્યા હતા જેથી પોલીસે 3168 રૂપિયાની કિંમતનો બિયરનો જથ્થો કબ્જે કર્યો હતો અને આરોપી સબુર જામસિંહ નીનામા (22) રહે. પેટલાદ તાલુકો મેમનગર જિલ્લો જાંબુવા વાળાની ધરપકડ કરી હતી અને તેની સામે મોરબી તાલુકા પોલીસ સ્ટેશન ખાતે ગુનો નોંધી પોલીસે આગળની કાર્યવાહી હાથ ધરી છે.

બાળકી દાઝી જતાં સારવારમાં

મોરબી તાલુકાના પાપડીયારી ગામ પાસે આવેલ સિરામિક કારખાનામાં રહેતા અને મજૂરી કામ કરતાં શૈલેન્દ્ર ગોડની બે વર્ષની દીકરી નિકિતા તેના ઘર પાસે કોઈ કારણોસર ગરમ પાણીમાં દાઝી જવાના કારણે તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરવામાં આવી હતી

ઝેરી અસર થતાં સારવારમાં

માળીયા (મી)ના સુલતાનપુર ગામે રહેતા હીનાબેન સચીનભાઈ (20) નામની મહિલાને કોઈ કારણોસર રતાભાઇની વાડીએ હતી ત્યારે ઝેરી દવા પી લેતા તેને સારવાર માટે મોરબીની સિવિલ હોસ્પિટલે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરતાં પોલીસે બનાવની નોંધ કરી આગળની કાર્યવાહી હાથ ધરી છે.