મોરબી તાલુકાની શ્રી રોટરીગ્રામ (અ.) પ્રાથમિક શાળાના નિવૃત શિક્ષિકાનો અનોખો સેવાયજ્ઞ
SHARE
JOIN OUR GROUP
મોરબી તાલુકાની શ્રી રોટરીગ્રામ (અ.) પ્રાથમિક શાળાના નિવૃત શિક્ષિકાનો અનોખો સેવાયજ્ઞ
મોરબી તાલુકાનાં શ્રી રોટરીગ્રામ (અ.) પ્રા. શાળામાં વીસ વર્ષની નોકરી કરી નિવૃત્ત થયેલ મદદનીશ શિક્ષિકા કંચનબેન બોડા આજે પણ બાળકો અને ગામલોકો સાથે અપાર લાગણીથી જોડાયેલા છે. અને શાળામાં હાલ બે શિક્ષકો પ્રસંગોપાત રજા ઉપર હોય અને શિક્ષકોની ઘટ હોય નાના બાળકોનું શિક્ષણ ન બગડે તે માટે બાળકોને ભણાવવા શાળામાં હાજરી આપી વિદ્યાર્થીઓને શિક્ષણકાર્ય કરાવે છે. ઉલેખનીય છે કે, કંચનબેનનો વિદાય સન્માન કાર્યક્રમ યોજાયો હતો જેમાં આખું ગામ જોડાયું હતું. કંચનબેન બોડા તરફથી આજુબાજુની પાંચ શાળામાં અભ્યાસ કરતા ગરીબ અને મજૂર વર્ગના ત્રણસો જેટલા બાળકોને સ્કુલબેગ આપીને માનવતા મહેકાવી હતી. સાથે સાથે બાળકોને અભ્યાસકાર્યમાં ઉપયોગી થાય તેવી શૈક્ષણીક વસ્તુઓ મળી રહે તે માટે શાળામાં રામહાટ ચાલુ કરાવી ઉત્તમ ઉદાહરણ પૂરું પાડ્યું હતું. શ્રીમતી કંચનબેન બોડા મોરબી જિલ્લા પ્રાથમિક શિક્ષક સંઘના પૂર્વ પ્રમુખ મણીભાઈ સરડવાના ધર્મપત્ની છે. અને કંચનબેન બોડાની નિવૃત્તિ બાદની શૈક્ષણીક સેવાને મોરબીના પ્રાથમિક શિક્ષક અને શિક્ષણ પરિવારે બિરદાવી છે.
