માળીયા (મી)ના વિશાલનગર અને સુલતાનપુર વચ્ચે રિક્ષા અને બાઇક વચ્ચે અકસ્માત થતાં યુવાનનું મોત

માળીયા મિયાણાં તાલુકાના વિશાલનગરથી સુલતાનપુર ગામ વચ્ચે આવેલ કોઝ વે ઉપરથી યુવાન બાઈક લઈને પસાર થઈ રહ્યો હતો દરમિયાન છકડો રીક્ષામાં લાકડા ભરીને સામેથી આવી રહ્યા હતા અને રિક્ષાના ચાલકે બાઇકને હડફેટે લેતા અકસ્માતનો બનાવ બન્યો હતો જે બનાવમાં યુવાનની આંખ ફૂટી ગઈ હતી અને તેને કપાળ, છાતી અને શરીરે ગંભીર ઇજા થઈ હતી જેથી તે યુવાનનું મોત નીપજયું હતું અને આ બનાવ સંદર્ભે મૃતક યુવાનના પિતાએ હાલમાં છકડો રીક્ષાના ચાલક સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

માળીયા મિયાણાં તાલુકાના ચીખલી ગામે રામજી મંદિરની બાજુમાં રહેતા જુગાભાઈ અવચરભાઈ પરસુંડા (60)એ છકડો રીક્ષા નંબર જીજે 4 એયું 4941 ના ચાલક સામે માળિયા તાલુકા પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યુ છે કે, માળિયા મીયાણા તાલુકાના વિશાલનગર થી સુલતાનપુર ગામ વચ્ચેના કોઝવે રોડ ઉપરથી તેનો દીકરો સાગર બાઈક નંબર જીજે 36 એએમ 1548 લઈને પસાર થઈ રહ્યો હતો ત્યારે આરોપી તેની છકડો રીક્ષા લઈને સામેથી આવી રહ્યો હતો અને દરમિયાન સામસામે રિક્ષાને બાઇક અથડાતા ફરિયાદીના દીકરા સાગરની એક આંખ ફૂટી ગઈ હતી અને કપાળ, છાતી તેમજ શરીરે ગંભીર ઇજાઓ થઈ હતી જેથી તે યુવાનનું મોત નીપજયું હતું અને આ બનાવ સંદર્ભે હાલમાં મૃતક યુવાનના પિતાએ નોંધાવેલ ફરિયાદ આધારે પોલીસે છકડો રીક્ષાના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે.