માળીયા (મી) નજીક અજાણ્યા વાહનની પાછળ ટેન્કર અથડાતાં રાજસ્થાની યુવાનનું મોત

મોરબી કચ્છ નેશનલ હાઈવે રોડ ઉપર સુરજબારી પુલ નજીક દેવ સોલ્ટની સામેના ભાગમાંથી પસાર થઈ રહેલ ટેન્કરના ચાલકે તેની આગળના ભાગમાં જઈ રહેલા અજાણ્યા કોઈ વાહનની પાછળ ટેન્કર અથડાવ્યું હતું જેથી અકસ્માતનો બનાવ બનેલ હતો જે બનાવમાં ટેન્કર ચાલકને ગંભીર ઇજા થઈ હતી જેથી તેનું મોત નીપજયું હતું જે બનાવ સંદર્ભે મૃતક યુવાનના ભાઈની ફરિયાદ લઈને પોલીસે ગુનો નોંધી રાબેતા મુજબની કાર્યવાહી હાથ ધરી છે.

મૂળ રાજસ્થાનના છીતર કાપાર ગામના રહેવાસી વિશ્નારામ રામારામ દતરવાલએ માળિયા તાલુકા પોલીસ સ્ટેશન ખાતે અકસ્માતમાં મૃત્યુ પામેલા તેના ભાઈ સામે ડાલુરામ રામારામ દતરવાલ (34) રહે. મૂળ રાજસ્થાનના છીતર કાપાર ગામ વાળાની સામે ફરિયાદ નોંધાવેલ છે જેમાં જણાવ્યું છે કે તેનો નાનો ભાઈ ડાલુરામ રામારામ (34) ટેન્કર નંબર એમ.એલ. 01 એએ 5670 લઈને પસાર થઈ રહ્યો હતો ત્યારે આગળના ભાગે જઈ રહેલા કોઈ અજાણ્યા વાહનની પાછળના ભાગે ફરિયાદીના ભાઈનું ટેન્કર અથડાયું હતું જેથી અકસ્માતનો બનાવ બન્યો હતો જે બનાવમાં ફરિયાદીના ભાઈને માથામાં તથા શરીરે ગંભીર ઇજા થઈ હતી જેથી તેનું મોત નિપજ્યું હતું અને અકસ્માતના બનાવ સંદર્ભે મૃતક યુવાનના ભાઈની ફરિયાદ લઈને પોલીસે રાબેતા મુજબની કાર્યવાહી કરી હતી.