મોરબી શહેરમાં વરલી જુગારની ત્રણ, વાંકાનેર તાલુકામાં બે રેડ
SHARE
JOIN OUR GROUP
વાંકાનેર તાલુકામાં બે અને મોરબી શહેરી વરલી જુગારની ત્રણ રેડ
વાંકાનેર તાલુકામાં બે અને મોરબી શહેરી વિસ્તારમાં ત્રણ જગ્યાએ વરલી જુગારની રેડ કરવામાં આવી હતી ત્યારે સ્થળ ઉપરથી પોલીસે વરલી જુગારના આંકડા લેતા શખ્સોને પકડીને તેની પાસેથી રોકડ રકમ કબજે કરી હતી અને સ્થાનિક પોલીસ સ્ટેશનમાં જુગારના જુદાજુદા ગુના નોંધીને પોલીસે આગળની કાર્યવાહી કરી હતી.
વાંકાનેર તાલુકાના સરતાનપર રોડ ઉપર સેન્સો ચોકડી પાસે વીહત હોટલની સામેના ભાગમાં વરલી જુગારની રેડ કરવામાં આવી હતી ત્યારે સ્થળ ઉપરથી મેલાભાઈ ધીરુભાઈ રાઠોડ (22) રહે સરતાનપર વાળો વરલી જુગારના આંકડા લેતા મળી આવ્યો હતો જેથી પોલીસે 1200 રૂપિયાની રોકડ સાથે તેની ધરપકડ કરેલ છે આવી જ રીતે ઢુવા નેશનલ હાઇવે રોડ ઉપર એકે હોટલ પાસે જાહેરમાં વરલી જુગારની રેડ કરી હતી ત્યારે સ્થળ ઉપરથી મશરૂભાઈ કુકાભાઈ સારલા (46) રહે. ભીમગુડા વાળો વરલી જુગારના આંકડા લેતા મળી આવ્યા હોય પોલીસે 1350 રૂપિયાની રોકડ સાથે તેની ધરપકડ કરી હતી અને આ બંને ગુના વાકાનેર તાલુકા પોલીસ સ્ટેશન ખાતે નોંધાયેલ છે
જ્યારે મોરબીના પંચાસર રોડ ઉપર સત્યમ હોલથી આગળના ભાગમાં વરલી જુગારની રેડ કરવામાં આવી હતી ત્યારે સ્થળ ઉપરથી ભરતભાઈ જીવરાજભાઈ સાધરીયા (48) રહે. બગથળા વાળા વરલી જુગારના આંકડા લેતા મળી આવેલ હોય પોલીસે 2150 રૂપિયાની રોકડ સાથે તેની ધરપકડ કરી હતી તે જ વિસ્તારમાં વરલી જુગારની બીજી રેડ કરવામાં આવી હતી ત્યારે સ્થળ ઉપરથી મનોજભાઈ હસમુખભાઈ મીરાણી (45) રહે. વાઘપરા મોરબી વાળા વરલી જુગારના આંકડા લેતા મળી આવેલ હોય પોલીસે 2200 ની રોકડ સાથે તેની ધરપકડ કરી હતી તો મોરબીના રવાપર ગામના ઝાંપા પાસે વરલી જુગારની રેડ કરી હતી ત્યારે સ્થળ ઉપરથી અશોકભાઈ નાનાલાલ ચોગ (74) રહે. રવાપર વાળા વરલીના આંકડા લેતા મળી આવેલ હોય પોલીસે 550 રૂપિયાની રોકડ સાથે તેની ધરપકડ કરી હતી અને આ ત્રણેય ગુના એ ડિવિઝન પોલીસ સ્ટેશન ખાતે નોંધાયેલ છે.
