મોરબી નજીક બાઇકને હડફેટે લઈને આધેડનું મોત નીપજવનારા ટ્રક ટ્રેલરના ચાલક સામે ગુનો નોંધાયો

મોરબી માળિયા હાઇવે રોડ ઉપર ટિંબડી ગામના પાટીયા પાસે ત્રીપલ સવારી બાઇકને ટ્રક ટ્રેલરના ચાલકે હડફેટે લેતા અકસ્માત થયો હતો જે બનાવમાં એક આધેડનું મોત નીપજ્યું હતું અને બે વ્યક્તિઓને ઈજા થઈ હતી જેથી તેઓને સારવાર માટે હોસ્પિટલે લઈ જવામાં આવેલ હતા આ બનાવ સંદર્ભે હાલમાં મૃતક આધેડના દીકરાએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

મોરબીમાં ત્રાજપરની પાછળના ભાગમાં આવેલ નીલકંઠ સોસાયટીમાં રહેતા ભગવાનજીભાઈ ખોડાભાઈ ધંધાણીયા (23)એ હાલમાં ટ્રક ટ્રેલર નંબર જીજે 39 ટી 1750 ના ચાલક સામે ફરિયાદ નોંધાવી છે જેમાં જણાવ્યુ છે કે મોરબી માળિયા હાઇવે રોડ ઉપર આવેલ ટિંબડી ગામના પાટીયા પાસેથી ફરિયાદીના પિતા ખોડાભાઈ કાનજીભાઈ ધંધાણીયા (52) તથા મનોજભાઈ રાંદલપરા અને સંજયભાઈ દેગામા ત્રણેય વ્યક્તિઓ બાઈક નંબર જીજે 13 ટીપી 6013 ઉપર જઈ રહ્યા હતા દરમ્યાન મનોજભાઈ બાઇક ચલાવતા હતા અને ફરિયાદીના પિતા અને સંજયભાઈ પાછળના ભાગે બેઠેલા હતા દરમ્યાન ટ્રક ટ્રેલરના ચાલકે બાઇકને હડફેટે લેતા અકસ્માત થયો હતો જે બનાવમાં ફરિયાદીના પિતાને મોઢા તથા શરીરે ગંભીર ઈજા થઇ હતી જેથી તેનું મોત નીપજયું છે. જ્યારે મનોજભાઈને પગમાં ગંભીર ઇજા થઈ હતી અને સંજયભાઈને સામાન્ય ઇજાઓ થઈ હતી જેથી ઈજા પામેલ હાલતમાં તે બંનેને સારવાર માટે હોસ્પિટલે લઇ જવામાં આવેલ છે હાલમાં મૃત્યુ પામેલા આધેડના દીકરાએ નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે