મોરબીના ઘૂટું ગામે યુવાનને બે શખ્સોએ પાઇપ અને ધોકા વડે માર મારતા માથામાં હેમરેજ

મોરબીના ઘૂટું ગામમાં આવેલ આંબેડકરનગરમાં રહેતા યુવાનને તેના પિતા કામ બાબતે ઠપકો આપતા હતા દરમિયાન બે શખ્સોએ યુવાન પાસે આવીને “મને કેમ ગાળો આપો છો” તેમ કહીને ઉશ્કેરાઈ જઈને યુવાન ઉપર લાકડાના ધોકા અને પાઇપ વડે હુમલો કર્યો હતો અને હાથે, પગે, શરીરે અને માથામાં માર માર્યો હતો જેથી યુવાનને માથામાં હેમરાજ જેવી ઇજા થતાં તેને સારવાર માટે લઈ જવામાં આવેલ છે અને ત્યારબાદ યુવાને નોંધાવેલ ફરિયાદ આધારે પોલીસે બે શખ્સોની સામે ગુનો નોંધી આરોપીને પકડવા માટે તજવીજ શરૂ કરેલ છે.

મોરબીના જુના ઘૂટું રોડ ઉપર આવેલ આંબેડકરનગરમાં રહેતા મુકેશભાઈ દેવજીભાઈ વોરા (34)એ સચિનભાઈ દિનેશભાઈ બારોટ અને કિશનભાઇ કમલેશભાઈ બારોટ રહે. બંને ઘુટુ વાળા સામે ફરિયાદ નોંધાવેલ છે જેમાં જણાવ્યું છે કે, ફરિયાદી તેના ઘર પાસે હાજર હતો દરમિયાન તેના પિતા ફરિયાદીને કામ બાબતે ઠપકો આપતા હતા તેવામાં આરોપી સચિનભાઈએ ત્યાં આવીને કહ્યું હતું કે “મને કેમ ગાળો આપો છો” તેમ કહીને ફરિયાદીને ગાળો આપી હતી અને હાથમાં રહેલ લાકડાના ધોકા વડે ફરિયાદીને ખભા, વાસા અને કાન ઉપર માર મારીને ઈજા કરી હતી જ્યારે કિશનભાઇએ ફરિયાદીને હાથમાં લોખંડનો પાઇપ માર્યો હતો તથા માથામાં લોખંડનો પાઇપ મારીને હેમરેજ જેવી ઇજા કરી હતી જેથી ઇજા પામેલા યુવાનને સારવાર માટે હોસ્પિટલે લઇ ગયા હતા અને ત્યારબાદ ભોગ બનેલ યુવાને નોંધાવેલ ફરિયાદ આધારે પોલીસે બે શખ્સોની સામે ગુનો નોંધી આરોપીઓને પકડવા માટે તજવીજ શરૂ કરેલ છે.