મોરબીમાં બોલેરો પાછળથી અથડાતાં સર્જાયેલ અકસ્માતમાં ઇવી કારમાં નુકશાન

મોરબીના સનાળા રોડ ઉપર જીઆઇડીસીના નાકા પાસેથી યુવાન ઈલેક્ટ્રીક કાર લઈને પસાર થઈ રહ્યો હતો ત્યારે પાછળના ભાગમાં આવેલ બોલેરો ગાડીના ચાલકે વાહન અથડાવ્યું હતું જેથી કારના બમ્પર અને ડેકીમાં નુકસાન થયું છે માટે યુવાન દ્વારા મોરબી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

રાજકોટના રતનપર ગામે અયોધ્યા સોસાયટીમાં રહેતા દિવ્યરાજસિંહ પ્રકાશસિંહ ચુડાસમા (25)એ હાલમાં મહેન્દ્રા બોલેરો મેક્સી ગાડી નંબર જીજે 3 ડીઆઈ 1649 ના ચાલક અજરૂદ્દીન ગફારભાઈ જુણાચ રહે. નંદનવન સોસાયટી ભગવતી પરા રાજકોટ વાળાની સામે ફરિયાદ નોંધાવેલ છે જેમાં તેમણે જણાવ્યું છે કે મોરબીના સનાળા રોડ પર આવેલ જીઆઇડીસીના નાકા નજીક બોલેરો ગાડીના ચાલકે પોતાનું વાહન બેફિકરાયથી ચલાવીને ફરિયાદીની XUV 9E ઇલેક્ટ્રીક ડેમો કાર ટ્રેડ સર્ટીફીકેટ નં- જીજે 36 સી 0033 ટીસી ને પાછળથી ટક્કર મારી હતી જેથી કરીને ફરિયાદીની કારમાં પાછળની બાજુએ બમ્પર અને ડેકીમાં નુકસાન થયું હોય હાલમાં યુવાને નોંધાવેલ ફરિયાદ આધારે પોલીસે કાર ચાલક સામે ગુનો નોંધીને આરોપીને પકડવા માટે તજવી શરૂ કરેલ છે