ટંકારાના નેકનામ પાસે કારખાનામાં ઈલેક્ટ્રીક શોટ લગતા યુવાનનું મોત મોરબીમાં સલૂનમાં વાળ કપાવા આવેલા શખ્સે વારા બાબતે પિતા-પુત્રને માર મારવાના બનાવમાં હવે બે શખ્સો સામે ગુનો નોંધાયો મોરબી નજીકથી 2448 બોટલ દારૂ ભરેલ રિક્ષા સાથે એક પકડાયો, બેની શોધખોળ: 5.88 લાખનો મુદામાલ કબ્જે મોરબીના સરતાનપર રોડ ઉપર કારથી એક્ટિવાને ટક્કર મારીને યુવાનની આંખમાં મરચું છાંટીને છરીની અણીએ 8.38 લાખની લૂંટ મોરબી જીલ્લામાં આવકના દાખલા માટે વિદ્યાર્થીઓને થતાં ધક્કા નિવારવા કલેક્ટરને રજૂઆત ​​​​​​​મોરબી : પાસા કરવાની સતા જીલ્લા એસ.પી.ને આપવા તેમજ જીલ્લા વાઇઝ પોલીસ મોનોગ્રામ અલગ કરવા માંગ મોરબીમાં ભૂલા પડી ગયેલા વૃદ્ધાનું અભયમની ટીમે પરિવાર સાથે મિલન કરાવ્યુ મોરબીની માધાપરવાડી કન્યા શાળા ખાતે ગ્રામ્ય વસ્તીગણતરી માટેના ગણતરીદારોની તાલીમ અપાઈ
Breaking news
Morbi Today

મોરબીના સરતાનપર રોડ ઉપર કારથી એક્ટિવાને ટક્કર મારીને યુવાનની આંખમાં મરચું છાંટીને છરીની અણીએ 8.38 લાખની લૂંટ


SHARE











મોરબીના સરતાનપર રોડ ઉપર કારથી એક્ટિવાને ટક્કર મારીને યુવાનની આંખમાં મરચું છાંટીને છરીની અણીએ 8.38 લાખની લૂંટ

મોરબીમાં સોમવારે બપોરના પોણા બે વાગ્યાના અરસામાં સરતાનપર રોડ ઉપરથી યુવાનો એક્ટિવા લઈને જઇ રહ્યો હતો ત્યારે તેના એક્ટિવાને કારથી ટક્કર મારીને કારમાં આવેલ અજાણ્યા ત્રણ બૂકણીધારી શખ્સોએ આંખમાં મરચાંની ભૂકી છાંટીને તેમજ છરી બતાવીને યુવાન પાસે ઠેલા રોકડા 9.89 લાખ રૂપિયામાંથી 8,38,500 ની લૂંટ કરી હતી અને ત્યાર બાદ લૂંટારુઓ નાસી ગયા હતા જે બનાવમાં ઇજા પામેલ યુવાનને સારવાર લીધા બાદ મોરબી તાલુકા પોલીસ સ્ટેશન ખાતે હાલમાં અજાણ્યા 3 શખ્સોની સામે ફરિયાદ નોંધાવતાં પોલીસે લૂંટનો ગુનો નોંધીને આરોપીઓને પકડવા માટે તજવીજ શરૂ કરી છે.

મોરબી તાલુકાના માણેકવાડા ગામે રહેતા અને છેલ્લા પાંચેક વર્ષથી મની ટ્રાન્સફરમાં કલેક્શનનું કમિશન ઉપર કામ કરતા ફારુક રજાકભાઈ સુમરા (26)એ હાલમાં મોરબી તાલુકા પોલીસ સ્ટેશન ખાતે સ્વિફ્ટ ગાડી નંબર જીજે 27 કે 1126 માં આવેલા ત્રણ અજાણ્યા શખ્સોની સામે ફરિયાદ નોંધાવેલ છે જેમાં તેને જણાવ્યુ છે કે, મોરબી તાલુકાના લાલપર તેમજ વાંકાનેર તાલુકાના ઢુવા, માટેલ અને સરતાનપર રોડ ઉપરના જુદા જુદા કલેક્શન સેન્ટરો ઉપરથી રોકડા રૂપિયા પોતાના થેલામાં લઈને તે પોતાનુ એક્ટિવા નંબર જીજે 36 એએન 5702 લઈને સરતાનપર રોડે આવેલ મોટો સીરામીકથી સેન્સો ચોકડી તરફ જવાના રસ્તા ઉપરથી પસાર થઈ રહ્યો હતો ત્યારે ગાડી નંબર જીજે 27 કે 1126 લઈને આવેલ 3 અજાણ્યા બુકાનીધારી શખ્સો દ્વારા ફારુક સુમરાના એક્ટિવા સાથે કાર અથડાવીને અકસ્માત કરવામાં આવેલ હતો અને ત્યારબાદ કારમાં આવેલા શખ્સોએ તેની આંખમાં મરચાની ભૂકી નાખી હતી અને ત્રણ પૈકીનાં એક શખ્સે છરી બતાવી હતી અને ફારૂક સુમરા પાસેથી 9.89 લાખ રૂપિયામાંથી 8,38,500 ની લૂંટ કરી હતી અને આરોપીઓ તેની કાર લઈને નાસી ગયા હતા જોકે, લૂંટ કરવા આવેલા શખ્સોની કારની એક બાજુની નંબર પ્લેટ ભોગ બનેલા યુવાને ગાડીમાંથી ખેંચી લીધી હતી જેથી હાલમાં પોલીસે ઇજા પામેલા યુવાનની ફરિયાદ લઈને અજાણ્યા શખ્સોની સામે ગુનો નોંધીને આરોપીઓને પકડવા માટે જુદી જુદી દિશામાં તપાસ શરૂ કરી છે.






Latest News