ટંકારામાં દેવકુંવર શૈક્ષણિક સંકુલ ખાતે ખોડલધામ ટ્રસ્ટના ચેરમેન નરેશ પટેલના જન્મદિવસ નિમિતે રક્તદાન કેમ્પનું આયોજન

કાગવડ શ્રી ખોડલધામ ટ્રસ્ટના ચેરમેન નરેશભાઈ પટેલના 61 મા જન્મદિવસ નિમિત્તે જુદીજુદી 65 થી વધારે જગ્યાએ બ્લડ ડોનેશન કેમ્પનું આયોજન કરવામાં આવ્યું છે અને તેની સાથે વૃક્ષારોપણ, દિવ્યાંગ બાળકોને ભોજન, પુસ્તકો તથા સ્ટેશનરી કિટ આપવા સહિતની સેવાકિય પ્રવૃતિ કરવામા આવશે.

ટંકારામાં પણ મેગા બ્લડ ડોનેશન કેમ્પ અને વૃક્ષારોપણનુ આયોજન શ્રી ખોડલધામ પરિવાર મોરબી જીલ્લા અને શ્રી સરદાર લેઉવા પટેલ સમાજ ટંકારા દ્વારા કરવામાં આવ્યું છે અને તા. 11/7/2026 ને શનિવારના રોજ બપોરે 3:30 થી સાંજે 7:30 સુધી મેગા બ્લડ ડોનેશન કેમ્પ દેવકુંવર શૈક્ષણિક સંકુલ ખાતે યોજાશે જેમાં રક્તદાતાઓએ રક્તદાન કરવા માટે આયોજકો દ્વારા અપીલ કરવામાં આવી છે.