મોરબીમાં યુવાન અને તેના મિત્રનું અપહરણ કરી માર મારવાના ગુનામાં ૩ ની ધરપકડ, ૫ ની શોધખોળ

મોરબીના નવલખી રોડ ઉપર લાયન્સનગરમાં રહેતા યુવાને ઇન્સ્ટાગ્રામમાં મૂકેલી સ્ટોરી બાબતે સારું નહીં લાગતાં વાવડી ચોકડી પાસે યુવાન અને તેના મિત્ર પાસે આવીને ત્યાં બંનેને માર મારીને તેના વાહનમાં નુકસાન કર્યું હતું અને ત્યાર બાદ યુવાન અને તેના મિત્રનું અપહરણ કરીને હુસેનભાઈના ડેલે લઈ જવાયા હતા ત્યાં અન્ય ચાર શખ્સો દ્વારા તે બંનેને માર મારવામાં આવ્યો હતો અને જાનથી મારી નાંખવાની ધમકી આપવામાં આવી હતી. જેથી કરીને ભોગ બનેલા યુવાને મોરબી સીટી એ ડીવીઝન પોલીસ સ્ટેશન ખાતે આઠ શખ્સોની સામે ફરીયાદ નોંધાવી હતી જેના આધારે પોલીસે ત્રણ આરોપીની ધરપકડ કરેલ છે અને પાંચ આરોપીને પકડવા માટે ચક્રોગતિમાન કરેલ છે

બનાવની જાણવા મળતી વિગત પ્રમાણે મોરબીના નવલખી રોડ ઉપર આવેલા લાયન્સનગરમાં રહેતા રૂદ્રરાજસિંહ મહેન્દ્રસિંહ ઝાલા જાતે ક્ષત્રિય (ઉંમર ૧૮) એ પોતાના ઇન્સ્ટાગ્રામમાં સ્ટોરી મૂકી હતી જે સ્ટોરી બાબતે હુમલો કરનાર આરોપીઓને સારું નહીં લાગતા સાગર નવઘણભાઈ ભરવાડ, રાજેશભાઈ હિતેશભાઈ રબારી, જીગર જીલુભાઈ ગોગરા અને ફૈઝલ સંધિએ વાવડી ચોકડી પાસે રૂદ્રરાજસિંહ અને તેના મિત્ર અમિત પાસે આવીને તેઓની સાથે ગાળાગાળી કરી હતી અને બાદમાં લાકડાના ધોકા તેમજ લોખંડના પાઇપ વડે બંનેને માર માર્યો હતો જેમા ફરીયાદી યુવાનને ફ્રેકચર જેવી ઇજાઓ થયેલ હતી અને ધોકા વડે ફરિયાદીના બાઈકમાં પણ નુકસાન કર્યું હતું ત્યાર બાદ રૂદ્રરાજસિંહ અને તેના મિત્ર અમિતનું બાઈકમાં અપહરણ કરીને હુસેનભાઇના ડેલે લઈ જવામાં આવ્યા હતા અને ત્યાં ડેનિસ કીશોર મિસ્ત્રી, રોહિત જીવસદાસ બાવાજી, ઈરફાન કરીમ પારેડી અને એક અજાણ્યા શખ્શે તેઓને ગાળો આપી, લાફા મારીને જાનથી મારી નાંખવાની ધમકી આપી હતી જેથી કરીને ભોગ બનેલા રૂદ્રરાજસિંહ મહેન્દ્રસિંહ ઝાલા દ્વારા મોરબી સીટી એ ડીવીઝન પોલીસ સ્ટેશન ખાતે આઠ શખ્સોની સામે ફરીયાદ નોંધાવી હતી જેના આધારે પોલીસે અપહરણ, રાયોટીંગ, મારામારી તેમજ તોડફોડના ગુનામાં હાર્દિક પ્રભુભાઈ ગાજરા જાતે ભાનુશાળી (૧૯) રહે, વજેપર મોરબી, સમીર ગુલામહુશેન સુમરા જાતે સંઘી (૨૦) રહે, વજેપર મોરબી અને ઈરફાન કરીમભાઈ પારેડી રહે, મોરબી વાળાની ધરપકડ કરેલ છે અને આ ગુનામાં હજુ મુખ્ય આરોપીઓ સહિત પાંચ આરોપીઓને પકડવા માટે પોલીસે તજવીજ શરૂ કરેલ છે.