મોરબીમાં રામધામના સ્વપ્નદ્રષ્ટા જીતુભાઈ સોમાણીની અધ્યક્ષતામાં સમસ્ત લોહાણા સમાજની બેઠક યોજાઈ
Morbi Today
મોરબીના એક ઇસમને પાસા તળે જેલહવાલે કરાયો
SHARE
JOIN OUR GROUP
મોરબીના એક ઇસમને પાસા તળે જેલહવાલે કરાયો
મોરબી પોલીસ દ્વારા અનેક ગુનાઓમાં સંડોવાયેલા ઇસમની વિરુદ્ધ પાસા દરખાસ્ત તૈયાર કરવામાં આવી હતી જેને મંજૂરીની મહોર મારીને જિલ્લા મેજિસ્ટ્રેટ દ્વારા પાસા હેઠળ જેલમાં ધકેલવાનો હુકમ કરવામાં આવતા ઈસમને પકડીને વડોદરા જેલ હવાલે કરવામાં આવ્યો હોવાનું સુત્રોમાંથી જાણવા મળેલ છે.અગાઉ હથિયારના ગુનામાં સંડોવાયેલ ઇસમ વિદેસી દારૂના અનેક ગુનામાં પકડાયો હોય તેની સામે પાસા દરખાસ્ત મૂકાતા તેની ધરપકડ કરીને વડોદરા જેલ હવાલે કરાયો હતો.
મોરબી સીટી એ ડીવીઝન પોલીસ સૂત્રોમાંથી મળતી માહિતી મુજબ મોરબીના વાવડી રોડ સોમૈયા સોસાયટીમાં રહેતા ઋષિરાજસિંહ અનિરૂદ્ધસિંહ જાડેજા નામના ૨૬ વર્ષીય યુવાન વિરૂધ્ધ પાસા અંગે દરખાસ્ત તૈયાર કરીને કલેકટર (જિલ્લા મેજીસ્ટ્રેટ સમક્ષ મૂકવામાં આવી હતી જેને કલેકટર દ્રારા મંજૂરીની મહોર મારવામાં આવતા જિલ્લા મેજિસ્ટ્રેટના હુકમ અનવયે એ ડિવિજન પોલીસે ઋષિરાજસિંહ અનિરૂદ્ધસિંહ જાડેજાની ધરપકડ કરીને તેને પાસા હેઠળ વડોદરા મધ્યસ્થ જેલ હવાલે કરવામાં આવ્યો છે.
અકસ્માતમાં ઇજા
મોરબીના વાવડી રોડ ઉપર રહેતા અમીતભાઈ બહાદુરઅલી પંજવાણી (ઉંમર ૩૦) પોતાનું બાઇક લઇને જુના બસ સ્ટેન્ડ બાજુ જઈ રહ્યા હતા ત્યારે રસ્તામાં મીરા પાર્ક પાસે રોડ ઉપર બાઈક સ્લીપ થઈ ગયું હતું જેથી કરીને અમિતભાઈને શરીરે ઇજાઓ થઇ હોવાથી સારવાર માટે મોરબીની ખાનગી હોસ્પિટલમાં ખસેડવામાં આવ્યા હતા અને અકસ્માતના આ બનાવની મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે.
વાહન અકસ્માત
મોરબી તાલુકાના નાની વાવડી ગામ પાસેથી એસટી ડ્રાઇવર ભીખાભાઈ રાયધનભાઈ વીરડા (૨૯) રહે. સોનગઢ તાલુકો માળીયા મીયાણા વાળા પોતાના હવાલા વાળી એસટી બસ લઇને પસાર થઇ રહ્યા હતા ત્યારે ડમ્પર નંબર જીજે ૩૬ વી ૭૪૩૯ ના ચાલકે પોતાનું ડમ્પર બેફીકરાઈથી ચલાવીને એસટી સાથે અથડાયું હતું જેથી કરીને સરકારી વાહનમાં નુકસાન થયું હોવાથી એસ.ટી.ના ડ્રાઇવરે હાલમાં મોરબી સીટી એ ડીવીઝન પોલીસ સ્ટેશન ખાતે ડમ્પર ચાલક સામે ગુનો નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
ઇજા થતાં સારવારમાં
મોરબીના રફાળેશ્વર ગામ પાસે આવેલ જીઓટેક નામના કારખાનામાં કામગીરી દરમિયાન કુસુમબેન અંકિતભાઈ જેબીયા (ઉંમર ૩૩) ને ઈજાઓ થઈ હતી જેથી કરીને કુસુમબેનને સારવાર માટે મોરબીની ક્રિષ્ના હોસ્પિટલમાં ખસેડવામાં આવ્યા છે અને તેનો લગ્નગાળો બાર વરસનો હોવાનું હાલમાં પોલીસ પાસેથી જાણવા મળેલ છે અને પોલીસે બનાવની નોંધ કરી આગળની તપાસ શરૂ કરી છે.
