રાજસ્થાનથી રાજકોટ દારૂ પહોચડવા થ્રેસરનો ઉપયોગ: મોરબી પોલીસે ૮૦૭ બોટલ દારૂ સાથે એકને દબોચ્યો
SHARE
JOIN OUR GROUP
રાજસ્થાનથી રાજકોટ દારૂ પહોચડવા થ્રેસરનો ઉપયોગ: મોરબી પોલીસે ૮૦૭ બોટલ દારૂ સાથે એકને દબોચ્યો
મોરબી જીલ્લામાં યેનકેન પ્રકારે દારૂનો જથ્થો ઘુસાડવા માટેની બુટલેગરો દ્વારા પેરવી કરવામાં આવે છે તેવી જ રીતે હાલમાં ટ્રેકટરમાં લગાવવામાં આવતા થ્રેસરમાં ચોરખાના બનાવીને દારૂની હેરફેરી કરવામાં આવતી હોવાનું સામે આવ્યું છે અને પોલીસે જુદીજુદી બ્રાન્ડની ૮૦૭ બોટલ દારૂ સાથે પોલીસે એક શખ્સની ધરપકડ કરેલ છે
મોરબી જિલ્લાના એસપી સુબોધ ઓડેદરાની સૂચના મુજબ એલસીબીના પીઆઇ એમ.આર.ગોઢાણીયા અને તેની ટિમ કામ કરી રહી છે ત્યારે પૃથ્વીરાજસિંહ જાડેજા, સુરેશભાઇ હુંબલ તથા વિક્રમભાઇ ફુગસીયાને સંયુકતમાં બાતમી મળી હતી જેના આધારે મોરબી ભકિતનગર ઓવરબ્રીજ પાસેથી ટ્રેકટર સાથે થ્રેસર જોડી થ્રેસરમાં ચોરખાના બનાવી તેમાં વિદેશીદારૂની હેરફેરી કરવામાં આવતી હોવાનું સામે આવ્યું હતું જેથી પોલીસે દારૂની જુદીજુદી બ્રાન્ડની ૮૦૭ બોટલો કબજે કરી હતી અને આરોપી ચુનારામ સોનારામ ગોદારા જાતે જાટ (ઉ.૨૬) રહે. કલજી કી બેરી, તાલુકો સાંચોર (રાજસ્થાન) વાળાની ધરપકડ કરેલ છે અને તેની પાસેથી આરોપી રાજુભાઇ ચૌધરી રહે. સાંચોર વાળાનું નામ સામે આવ્યું છે જેથી તેને પકડવા માટે તજવીજ શરૂ કરેલ છે આ શખ્સો દ્વારા પોલીસને શંકા ન જાય તે માટે ટ્રેકટર સાથે જોડેલ થ્રેસર કે, જે ખેત પેદાશ જીરૂ, ચણા, વરીયાળી ઉપાડવાના કામમાં લેવામાં આવે છે તે થ્રેસરમાં ચોરખાના બનાવી નટ બોલ્ટ ફીટ કરી ચોરખાનામાં દારૂની બોટલો રાખીને રાજસ્થાનથી રાજકોટ લઇ જવાનો પ્લાન બનાવ્યો હતો હાલમાં પોલીસે આરોપી પાસેથી કુલ મળીને ૫,૩૧,૧૧૫ નો મુદામાલ કબજે કરીને આગળની કાર્યવાહી કરેલ છે
