મોરબીને ખાનગી નહીં પણ સરકારી મેડિકલ કોલેજ આપવા જયસુખભાઇએ કેન્દ્રિય આરોગ્ય મંત્રીને કરી રજૂઆત
Morbi Today
મોરબીના રોહીદાસપરામાં વડીલોપાર્જિત મકાનના વેચાણથી થયેલ આવકમાં ભાગ માંગતા ભાઈને ભાઈએ માર માર્યો
SHARE
JOIN OUR GROUP
મોરબીના રોહીદાસપરામાં વડીલોપાર્જિત મકાનના વેચાણથી થયેલ આવકમાં ભાગ માંગતા ભાઈને ભાઈએ માર માર્યો
મોરબીના વીસીપરા વિસ્તારની અંદર આવેલ રોહીદાસપરામાં વડીલોપાર્જિત મકાનના વેચાણથી આવેલ રકમમાં પૂરતો ભાગ આપવા માટે ભાઇએ તેના ભાઇને કહ્યું હતું જે બાબતે સારું નહીં લાગતાં યુવાનને તેના સગા ભાઇએ લોખંડના પાઇપ વડે માર માર્યો હતો અને જાનથી મારી નાખવાની ધમકી આપી હતી જેથી ભોગ બનેલા યુવાને હાલમાં મોરબી બી ડિવિઝન પોલીસ સ્ટેશન ખાતે તેના ભાઈની સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
જાણવા મળતી માહિતી મુજબ વીસીપરામાં આવેલ રોહીદાસપરામાં દશામાના મંદિરની પાછળના ભાગમાં રહેતા પરસોત્તમભાઈ હીરાભાઈ ચાવડા (ઉમર ૩૮) એ હાલમાં તેના સગાભાઇ મુકેશ ઉર્ફે ખાટો હીરાભાઈ ચાવડાની સામે ફરિયાદ નોંધાવી છે જેમાં તેણે જણાવ્યું છે કે મોરબીના રોહીદાસપરા વિસ્તારની અંદર તેમનું વડીલોપાર્જિત જૂનું મકાન આવેલ છે જે મકાન વેચાણથી આવેલ રકમમાં તેને પૂરતો ભાગ આપવા માટે પરસોત્તમભાઈએ તેના સગા ભાઈ મુકેશભાઈને કહ્યું હતું જેથી મુકેશભાઈએ ઉશ્કેરાઈ જઈને લોખંડના પાઇપ વડે પરસોતમભાઈને માર માર્યો હતો અને તેને જાનથી મારી નાખવાની ધમકી આપી હતી જેથી ભોગ બનેલા પરસોત્તમભાઈએ મોરબી સીટી બી ડિવિઝન પોલીસ સ્ટેશન ખાતે પોતાના સગા ભાઈની સામે ફરીયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
