વાંકાનેરના વઘાસીયા પાસેથી લીલાઘાસની આડમાં દારૂની હેરાફેરી: ૮૭૬ બોટલ દારૂ સાથે એક શખ્સ ઝડપાયો
SHARE
JOIN OUR GROUP
વાંકાનેરના વઘાસીયા પાસેથી લીલાઘાસની આડમાં દારૂની હેરાફેરી: ૮૭૬ બોટલ દારૂ સાથે એક શખ્સ ઝડપાયો
વાંકાનેર વઘાસીયા ટોલનાકા પાસેથી અશોક લેલન નાની માલ વાહક ગાડી લીલું ઘાસ લઈને જતી હતી જેને રોકીને તલાશી લેવામાં આવી હતી ત્યારે લીલા ઘાસની આડમાં દારૂની હેરાફેરી કરવામાં આવતી હોવાનું સામે આવ્યું હતું અને વાહનમાથી દારૂની નાની મોટી ૮૭૬ બોટલો મળી આવી હતી જેથી પોલીસે ૧,૩૮,૦૦૦ નો દારૂ તેમજ અન્ય મુદામાલ મળી કુલ ૨,૪૩,૦૦૦ ના મુદ્દામાલ સાથે એક આરોપીની ધરપકડ કરેલ છે
મોરબી એલ.સી.બી.ની ટીમના જયેશભાઇ વાઘેલા તથા વિક્રમભાઇ કુગશીયાને ખાનગી બાતમી મળી હતી કે, ચોટીલા તરફથી એક નંબર વગરની અશોક લેલન નાની માલ વાહક ગાડીમાં લીલા ઘાસની આડમાં અંગ્રેજી દારૂનો જથ્થો મોરબી તરફ આવવાનો છે જેથી કરીને એલસીબીની ટીમ વાંકાનેરના વઘાસીયા ટોલનાકા પાસે વોચમાં હતી અને બાતમી વાળું વાહન નીકળતા રેઇડ કરતા અશોક લેલન દોસ્ત મોડલની નાની માલ વાહક ગાડીમાંથી વિદેશી દારૂની જુદી જુદી બ્રાન્ડની નાની મોટી કુલ ૮૭૬ બોટલો મળી આવી હતી જેથી ૧,૩૮,૦૦૦ નો દારૂ અને મોબાઇલ તેમજ વાહન મળીને કુલ ૨,૪૩,૦૦૦ નો મુદામાલ કબ્જે કરેલ છે અને દારૂના જથ્થા સાથે પોલીસે હાલમાં ઇમરાન ભાઇજાન રજાકભાઇ મેમણ (ઉ.૩૨) રહે. ચોટીલા, ઘાંચીવાડ શેરી નં-૫ વાળાની ધરપકડ કરેલ છે આ કામગીરી એલસીબીના પીઆઇ વી.બી.જાડેજા, દિલીપભાઇ ચૌધરી, વિક્રમસિંહ બોરાણા, જયેશભાઇ વાઘેલા, વિક્રમભાઇ કુગશીયા, નિર્મળસિંહ જાડેજા, બ્રિજેશ કાસુન્દ્રા વિગેરેએ કરેલ છે.
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
