વાંકાનેર નજીક કારખાનામાં કામ કરતાં પડી જવાથી ઇજા પામેલ મહિલાનું સારવારમાં મોત
SHARE
JOIN OUR GROUP
વાંકાનેર નજીક કારખાનામાં કામ કરતાં પડી જવાથી ઇજા પામેલ મહિલાનું સારવારમાં મોત
વાંકાનેર શહેર નજીક આવેલ સિરામિક કારખાનામાં કામગીરી દરમિયાન અકસ્માતે પગ લપસતા નીચે પટકાયેલ પરણિતાને કરોડરજ્જુમાં ઈજા થઈ હતી જેથી તેને વાંકાનેરથી જામનગર અને ત્યાંથી અમદાવાદ સિવિલમાં સારવારમાં ખસેડવામાં આવી હતી અને સારવાર દરમિયાન મહિલાનું મોત નીપજયું હતું જેથી પોલીસને જાણ કરવામાં આવતાં પોલીસે બનાવની નોંધ કરીને આગળની કાર્યવાહી હાથ ધરેલ છે
બનાવની જાણવા મળતી વિગત પ્રમાણે મૂળ એમપીના માડાખેડા ગામના રહેવાસી અને હાલમાં વાંકાનેર સીટીની બાજુમાં આવેલ મલ્ટી સ્ટોન સીરામીક કારખાનાની ઓરડીમાં રહેતા હાબુભાઈ અન્ન કેરાડે જાતે ભીલના પત્ની સારિકા કેરાડે (૩૨) ગત તા. ૧૩/૫ ના રોજ સવારના સાત વાગ્યાના અરસામાં કારખાનાની અંદર પાઉડરની બોરી કાપવાનું કામ કરતા હતા ત્યારે અકસ્માતે પગ લપસતા નીચે પટકાતાં તેને શરીરે ઇજા થઇ હતી માટે તેને પ્રથમ વાંકાનેર ત્યાંથી મોરબી અને જામનગર સારવાર માટે લઈ ગયા હતા અને મહિલાને કરોડરજ્જુમાં ઈજા થઈ હોવાથી તેને વધુ સારવાર માટે અમદાવાદ સિવિલ હોસ્પિટલ ખાતે લઇ જવામાં આવી હતી તેમ છતાં પણ સારવાર કારગત ન નિવડતા અમદાવાદ સિવિલ હોસ્પિટલ ખાતે તેનું મોત નીપજયું હતું અને અમદાવાદ સિવિલ મારફતે વાંકાનેર સીટી પોલીસ સ્ટેશનને અકસ્માતના બનાવની જાણ કરવામાં આવતાં પોલીસે બનાવની નોંધ કરીને હાલમાં આગળ રાબેતા મુજબની કાર્યવાહી હાથ ધરી છે
