માળીયા (મી) પાસેથી ૧૦ લાખના ડ્રગ્સ સાથે ઝડપાયેલા આરોપીના પાંચ દિવસના રિમાન્ડ મંજૂર

મોરબી જિલ્લામાં આવતા માળીયા મીયાણાની ભીમાસર ચોકડી પાસેથી મેફેડ્રોન ડ્રગ્સ સાથે એક આરોપી ઝડપાયો હતો અને તેની પાસેથી પોલીસે ૧૦૦ ગ્રામ ડ્રગ્સ જેની કિંમત ૧૦ લાખ રૂપિયા તેમજ અન્ય મુદ્દામાલ મળીને હાલમાં ૧૦,૦૯,૫૮૦ ના મુદ્દામાલ કબજે કર્યો હતો આ આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે પાંચ દિવસના રિમાન્ડ મંજૂર કરલે છે

માળિયા મોરબી હાઇવે ઉપર આવેલ ભીમાસર ચોકડી પાસે ઓવરબ્રિજ નીચેથી મેફેડ્રોન ડ્રગ્સનો જથ્થો મળી આવ્યો હતો. જેથી પોલીસે ૧૦૦ ગ્રામ મેફેડ્રોન ડ્રગ્સ જેની કિંમત દસ લાખ રૂપિયા તેમજ ૫૦૦૦ રૂપિયાની કિંમતનો એક મોબાઇલ ફોન અને ૪૫૮૦ રૂપિયા રોકડા આમ કુલ મળીને ૧૦,૦૯,૫૮૦ ના મુદ્દામાલ સાથે દેવીલાલ મગારામ સેવર જાતે જાટ (૨૪) રહે. ખારા મહેચાન જીલ્લો બાડમેર (રાજસ્થાન) વાળાની ધરપકડ કરેલ છે અને તેની સામે માળિયા મીયાણા તાલુકા પોલીસ સ્ટેશન ખાતે એનડીપીએસ એક્ટ મુજબ ગુનો નોંધીને પોલીસે આગળની તપાસ શરૂ કરી છે દરમ્યાન આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના પાંચ દિવસના રિમાન્ડ મંજૂર કરલે છે