મોરબી જિલ્લા પંચાયતના માજી પ્રમુખે ભાજપ સાથે છેડો ફાડયો: કાલે વાજતે ગાજતે કોંગ્રેસમાં કરશે પ્રવેશ

સામાન્ય રીતે ચૂંટણી આવે એટ્લે તડ જોડ શરૂ થતું હોય છે તેવામાં મોરબી જિલ્લા પંચાયતના માજી પ્રમુખ અને વર્તમાન જિલ્લા પંચાયતના ભાજપમાંથી ચૂંટાયેલ મહિલા સભ્યના પતિએ ભાજપની સાથે છેડો ફાડયો છે અને આવતી કાલે ગુજરાત પ્રદેશ કોંગ્રેસ કાર્યાલય ખાતે વાજતે ગાજતે કોંગ્રેસમાં પ્રવેશ કરશે

મોરબી જિલ્લા પંચાયતના માજી પ્રમુખ અને ભાજપના અગ્રણી કિશોરભાઈ ચિખલિયા અગાઉ વિધાનસભાની મોરબી બેઠકની પેટા ચૂંટણી યોજાઇ હતી ત્યારે કોંગ્રેસ છોડીને ભાજપમાં ગયા હતા આબે છેલ્લે યોજાયેલ જિલ્લા પંચાયતની ચુંટણીમાં તેમના પત્નીને ભાજપની ટિકિટ આપવામાં આવી હતી અને તે માળીયા તાલુકાની સરવડ બેઠક ઉપરથી ચૂંટાયા હતા જો કે, ભાજપમાં છેલ્લા ઘણા સમયથી તેની અવગણના કરવામાં આવી રહી હતી જેથી કરીને તે ગમે ત્યારે ભાજપ સાથે છેડો ફાડશે તેવી ચર્ચા ચાલી જ રહી હતી તેવામાં આવતીકાલે મંગળવારે તેઓ મોરબીથી ગાડીઓના કાફલા સાથે અમદાવાદ ખાતે ગુજરાત પ્રદેશ કોંગ્રેસ કાર્યાલય ખાતે જશે અને ત્યાં તેઓ વિધિવત રીતે કોંગ્રેસમાં જોડાશે