મોરબીના પ્રધાનમંત્રી આવાસમાં બાળાઓ માતાજીના વેશભૂષા સાથે રાસ રજુ કર્યો
Morbi Today
મોરબીની લીલાપર ચોકડી પાસેથી ૪૭૫ લિટર દેશી દારૂ ભરેલ કાર સાથે એક ઝડપાયો: ૩ ની શોધખોળ
SHARE
JOIN OUR GROUP
મોરબીની લીલાપર ચોકડી પાસેથી ૪૭૫ લિટર દેશી દારૂ ભરેલ કાર સાથે એક ઝડપાયો: ૩ ની શોધખોળ
મોરબીની લાઇલાપર ચોકડીથી લીલાપર ગામ તરફ જતી કારને રોકીને એલસીબીની ટીમે ચેક કરતા તેમાંથી ૪૭૫ લિટર દેશી દારૂનો જથ્થો મળી આવ્યો હતો જેથી પોલીસે દારૂ અને કાર મળીને ૩૧૪૫૦૦ ની કિંમતનો મુદ્દામાલ કબજે કર્યો હતો અને હાલમાં એક આરોપીની ધરપકડ કરેલ છે અને અન્ય ત્રણ શખ્સોના નામ સામે આવ્યા હોય તેની સામે ગુનો નોંધીને તેને પકડવા માટે મોરબી તાલુકા પોલીસ દ્વારા તજવીજ શરૂ કરવામાં આવી છે
મોરબી નજીકના લીલાપર ગામ પાસે ગોડાઉનમાંથી થોડા સમય પહેલા એલસીબીની ટીમે રેડ કરીને વિદેશી દારૂની બોટલનો જથ્થો પકડ્યો હતો અને ત્યાર બાદ પણ લીલાપર ગામ પાસે દારૂની હેરાફેરી ચાલુ હોવાની બાતમી મળતા વધુ એક વખત એલસીબીની ટીમ દ્વારા ત્યાં રેડ કરવામાં આવી હતી દરમિયાન ૪૭૫ લિટર દેશી દારૂ ભરેલ કાર નંબર જીજે ૧૩ સીસી ૪૭૫૬ મળી આવતા પોલીસે ૯૫૦૦ ની કિંમતનો દેશી દારૂ તેમજ ૩ લાખ રૂપિયાની કિંમતની કાર અને ૫૦૦૦ ની કિંમતનો મોબાઇલ ફોન આમ કુલ મળીને ૩૧૪૫૦૦ ની કિંમતના મુદ્દામાલ સાથે પોલીસે મનોજભાઈ મોહનભાઈ સાગઠીયા (૨૩) રહે ખાટડી ગામ તાલુકો ચોટીલા વાળાની ધરપકડ કરેલ છે અને તેની પાસેથી અલીભાઈ મામદભાઈ પલેજા અને ઇમરાન મહમદભાઈ પલેજા રહે. બને કાલિકા પ્લોટ અને ભરતભાઈ શાંતુભાઇ ધાધલ રહે ખાટડી તાલુકો ચોટીલા વાળાના નામ સામે આવ્યા હોય તેને પકડવા માટે થઈને પોલીસે તજવીજ શરૂ કરી છે
દેશી દારૂની ભઠ્ઠી
વાંકાનેર તાલુકાના રાતાવિરડા ગામની સીમમાં આવેલ સાદુરભાઈ હરજીભાઈ કોળી રહે. વીરપર તાલુકો વાંકાનેર વાળાની વાડીના શેઢે દેશી દારૂની ભઠ્ઠી ચાલુ હોવાની બાતમી મળી હતી જેના આધારે વાંકાનેર તાલુકા પોલીસની ટીમ દ્વારા ત્યાં રેડ કરવામાં આવતા સ્થળ ઉપરથી દેશી દારૂ બનાવવા માટે ઉપયોગમાં લેવામાં આવતો ૧૩૦૦ લીટર આથો તથા તૈયાર દેશી દારૂ ૬૦ લીટર અને અન્ય સાધન સામગ્રી મળીને પોલીસે ૮૪૬૦ રૂપિયાનો મુદ્દામાલ કબજે કર્યો હતો અને આરોપી સાદુરભાઈ હરજીભાઈ કોળી હાજર ન હોવાથી તેની સામે ગુનો નોંધીને પોલીસ આગળની કાર્યવાહી હાથ ધરી છે
