મોરબીમાં સાસુને જમાઈએ લાકડી વડે માર માર્યો, જાનથી મારી નાખવાની ધમકી

મોરબીના વીસીપરામાં આવેલ ગુજરાત સોસાયટીમાં રહેતા યુવાનની પત્ની તેના સાસુના ઘરે રહેતી હોય રોષે ભરાયેલ જમાઈ વીસીપરામાં જ આવેલ આંબેડકર કોલોનીમાં સાસુના ઘરે પહોચ્યો હતો અને “તમારે તમારી દિકરીને ક્યારે મોકલવાની છે” તેવું કહીને સાસુની સાથે બોલાચાલી કરી હતી અને બાદમાં લાકડીથી માર મારીને જાનથી મારી નાખવાની ધમકી આપી હતી જેથી કરીને હાલમાં સાસુએ તેના જમાઈની સામે ફરિયાદ નોંધાવતાં પોલીસે ગુનો નોંધીને આરોપીને પકડવા માટે ચક્રોગતિમાન કરેલ છે

બનાવની જાણવા મળતી માહિતી મુજબ મૂળ ટંકારા તાલુકાનાં છતરના રહેવાસી અને હાલ મોરબી વીશીપરા આંબેડકર કોલોની શેરી નં-૧૨ માં પ્રવિણભાઇ મકવાણાના મકાનમા ભાડે રહેતા પ્રભાબેન રમેશભાઇ સારેસા જાતે અનુ.જાતી (૪૫)એ તેના જમાઈ વસંતભાઇ દાનાભાઇ રાઠોડ રહે મૂળ મોટા દહીસરા માળીયા(મી) હાલ રહે વીશીપરા ગુજરાત સોસાયટી મોરબી વાળાની સામે ફરિયાદ નોંધાવી છે જેમાં તેને જણાવ્યુ છે કે, તેની દીકરી છેલ્લા ત્રણેક માસથી તેના પતિથી જુદી રહેવા જતી રહેલ છે અને એકાદ માસથી તે તેઓની સાથે રહેવા આવેલ છે માટે તેના જમાઈએ તેના ઘેર જઇને કહેલ કે “તમારે તમારી દિકરીને ક્યારે મોકલવાની છે” જેથી ફરિયાદી મહિલાએ કહ્યું હતું કે, “તમારા ઘરના બે વડીલોને લાવો અમે વાત ચીત કરી મોકલી દઇશુ” જેથી રોષે ભરાઈને જમાઈએ ગાળો બોલીને પોતાની પાસે રહેલ લાકડી વડે સાસુને માર મારીને જાનથી મારી નાખવાની ધમકી આપી હતી જેથી કરીને ભોગ બનેલ સાસુએ હાલમાં મોરબી સિટી બી ડિવિઝન પોલીસ સ્ટેશને ફરિયાદ નોંધાવતાં પોલીસે આઇ.પી.સી. કલમ ૩૨૩, ૫૦૪,૫૦૬(૨)તથા જી.પી. એક્ટ કલમ ૧૩૫ મુજબ ગુનો નોંધીને આરોપીને પકડવા માટે તજવીજ શરૂ કરી છે