ટંકારાના એલીટ ઇન્સ્ટિટ્યૂટમાં અભિયાન અંતર્ગત કાર્યક્રમ યોજાયો
Morbi Today
હળવદના સુખપર પાસે ટ્રક ચાલકે હડફેટે લેતા રાહદારી વૃદ્ધનું મોત
SHARE
JOIN OUR GROUP
હળવદના સુખપર પાસે ટ્રક ચાલકે હડફેટે લેતા રાહદારી વૃદ્ધનું મોત
હળવદ ધાંગધ્રા હાઇવે ઉપર આવેલા સુખપર ગામના બસ સ્ટેશન પાસેથી પસાર થઈ રહેલા રાહદારી વૃદ્ધને કન્ટેનર ટ્રકના ચાલકે હડફેટ લીધા હતા જેથી માથામાં ગંભીર ઈજા થવાના કારણે સારવાર દરમિયાન વૃદ્ધનું મોત નિપજ્યું હતું અને અકસ્માત સર્જીને ટ્રક ચાલક પોતાનો ટ્રક લઈને નાસી ગયો હતો જેથી હાલમાં મૃત્યુ પામેલા વૃદ્ધના દીકરાએ હળવદ તાલુકા પોલીસ સ્ટેશન ખાતે ટ્રકના ચાલક સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
હળવદ તાલુકાના પાંડાતીર્થ ગામે હાલમાં રહેતા અને મૂળ સત્તાપર ગામના રહેવાસી રઘુભાઈ ડાયાભાઈ મકવાણા (૨૮) એ કન્ટેનર ટ્રક નંબર જીજે ૫ બીપી ૩૧૭૧ ના ચાલક સામે ફરિયાદ નોંધાવી છે જેમાં તેણે જણાવ્યું છે કે ગત તા. ૨૮/૮ ના રોજ તેઓના પિતા હળવદ ધાંગધ્રા હાઇવે રોડ ઉપર આવેલ સુખપર ગામના બસ સ્ટેન્ડ પાસેથી પગપાળા ચાલીને જઈ રહ્યા હતા ત્યારે તેઓના પિતા ડાયાભાઈ ગોવિંદભાઈ મકવાણા (૬૨) ને ટ્રકના ચાલકે હડફેટે લીધા હતા. જેથી કરીને ડાયાભાઈને માથાના ભાગે અને શરીરે ગંભીરિજાઓ થઈ હોવાથી સારવારમાં ખસેડવામાં આવ્યા હતા અને સારવાર દરમિયાન તેનું મોત નીપજયું હતું જેથી કરીને મૃતક વૃદ્ધના દીકરા રઘુભાઈ મકવાણાએ હાલમાં હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ટ્રક ચાલકની સામે ગુનો નોંધીને અકસ્માત સર્જીને નાસી છૂટેલા આરોપીને પકડવા માટે તજવીજ શરૂ કરેલ છે
