મોરબીના નાગડાવાસ પાસે ચાલુ ટ્રકમાંથી નીકળેલ ટાયર એક્ટિવા સાથે અથડાતાં યુવાનનું મોત
SHARE
JOIN OUR GROUP
મોરબીના નાગડાવાસ પાસે ચાલુ ટ્રકમાંથી નીકળેલ ટાયર એક્ટિવા સાથે અથડાતાં યુવાનનું મોત
મોરબી માળિયા હાઇવે ઉપર આવેલ નાગડાવાસ ગામના પાટીયા પાસેથી એકટીવા લઈને પસાર થઈ રહેલા યુવાનના એકટીવા સાથે ત્યાંથી પસાર થતાં ટ્રકમાંથી નીકળેલ ટાયર અથડાયું હતું જેથી કરીને અકસ્માતમાં બનાવ બન્યો હતો અને એકટીવા લઈને જઈ રહેલા યુવાનને માથા અને શરીરના ભાગે ગંભીર ઇજા થયેલ હતી જેથી કરીને તેને સારવારમાં ખસેડાયો હતો અને સારવાર દરમિયાન તેનું મોત નીપજયું હતું જેથી કરીને તે યુવાનના ભાઈએ મોરબી તાલુકા પોલીસ સ્ટેશન ખાતે અજાણ્યા ટ્રક સામે ફરિયાદ નોંધાવતા પોલીસે ગુનો નોંધીને આગળની કાર્યવાહી હાથ ધરી છે
બનાવની જાણવા મળતી વિગત પ્રમાણે મોરબી નજીકના નાની વાવડી ગામે આવેલ ભક્તિનગર સોસાયટીમાં રહેતા નિમેષભાઈ ખીમજીભાઇ વડગામા જાતે મિસ્ત્રી (ઉંમર ૩૬) એ હાલમાં અજાણ્યા ટ્રક ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેણ જણાવ્યું છે કે ગત તા.૧૪ ના રોજ બપોરના ૧૨:૩૦ વાગ્યાના અરસામાં તેનો ભાઈ કૌશિકભાઇ ખીમજીભાઇ વડગામા (ઉંમર ૩૯) માળીયા તાલુકાના વાધરવા ગામે કામ સબબ ગયા હતા અને ત્યાંથી તેઓ ઘરે પરત આવી રહ્યા હતા ત્યારે તેઓના એકટીવા નંબર જીજે ૩૬ એલ ૩૦૨૦ ની સાથે મોરબી માળિયા હાઇવે ઉપર નાગડાવાસ ગામના પાટીયા પાસેથી પસાર થયેલા અજાણ્યા ટ્રકમાંથી વ્હીલ નીકળીને એક્ટિવા સાથે અથડાયું હતું જેથી કરીને અકસ્માતનો બનાવ બન્યો હતો અને કૌશિકભાઇ વડગામાને માથા, પગ અને શરીરે ગંભીર ઇજાઓ થઇ હતી જેથી તેને સારવારમાં લઈને ગયા હતા અને સારવાર દરમ્યાન તેનું મોત નીપજયું હતું જેથી કરીને હાલમાં મૃતક યુવાનના ભાઈએ મોરબી તાલુકા પોલીસ સ્ટેશન ખાતે અજાણ્યા ટ્રક ચાલકની સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
