વાંકાનેર નજીક કારખાનામાં મશીન સાથે માથું અથડાતાં ઇજા પામેલા યુવાનનું મોત
Morbi Today
વાંકાનેરની વરડુસર ચોકડીએ દુકાન પાસે જુગાર રમતા ત્રણ ઝડપાયા
SHARE
JOIN OUR GROUP
વાંકાનેરની વરડુસર ચોકડીએ દુકાન પાસે જુગાર રમતા ત્રણ ઝડપાયા
વાંકાનેર તાલુકાની વરડુસર ચોકડી પાસે આવેલ દુકાને જુગાર રમતા હોવાની બાતમી મળી હતી જેના આધારે પોલીસે ત્યાં રેડ કરી હતી અને ત્યારે સ્થળ ઉપર જુગાર રમતા ત્રણ શખ્સો મળી આવ્યા હતા જેથી કરીને પોલીસે ૧૩,૮૦૦ રૂપિયાનો મુદ્દામાલ કબજે કર્યો હતો અને તેની સામે જુગારધારા હેઠળ ગુનો નોધીને આગળની કાર્યવાહી હાથ ધરી હતી.
બનાવની જાણવા મળતી માહિતી મુજબ વાંકાનેર તાલુકાની વરડુસર ચોકડી પાસે આવેલ હમીરભાઈ ગોવિંદભાઈ ડાભીની દુકાન પાસે જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર ભરતભાઈ ધરમશીભાઈ વિજવાડીયા જાતે કોળી (૩૫), નાથાભાઈ લક્ષ્મણભાઈ ડોડીયા જાતે કારડીયા રાજપુત (૫૧) અને ભાવુભાઈ ઉર્ફે કુકાભાઈ પ્રભુભાઈ સેવારીયા જાતે કોળી (૨૫) જુગાર રમતા મળી આવ્યા હોય પોલીસે તેની પાસેથી ૧૩૮૦૦ ની રોકડ કબજે કરી હતી અને જુગારધારા હેઠળ ગુનો નોંધીને આગળની કાર્યવાહી હાથ ધરવામાં આવી હતી.
વરલી જુગાર
માળીયા મીયાણાના માતમ ચોક પાસે ખંઢેર મકાન નજીક વરલી જુગારના આંકડા લેવામાં આવતા હોવાની બાતમી મળી હતી જેના આધારે પોલીસે ત્યારે રેડ કરી હતી ત્યારે હનીફભાઈ અબ્દુલભાઈ ખોડ જાતે મિયાણા (૨૩) રહે. મોટી બજાર ચોક માળીયા વાળાની ૫૨૦ રૂપિયાની રોકડ સાથે પોલીસે ધરપકડ કરી હતી.
