સિરામિક જગતમાં રાજીપો: મોરબીના ઉદ્યોગપતિ પ્રકાશ વરમોરા હળવદ-ધ્રાંગધ્રા બેઠકના ભાજપના ઉમેદવાર

મોરબી જીલ્લામાં સેન્સ લેવામાં આવી હતી ત્યારે મોરબી સિરામિક એસો.ના પ્રમુખ તેમજ બે માજી પ્રમુખ દ્વારા ટિકિટની માંગણી કરવામાં આવી હતી તે હાકકીત છે તેવામાં ભાજપ દ્વારા ઉમેદવારોના નામની જે પ્રથમ યાદી જાહેર કરવામાં આવી છે તેમાં હળવદ -ધ્રાંગધ્રા બેઠક ઉપરથી મોરબીના સિરામિક ઉદ્યોગપતિ અને એફઆઇએના પ્રેસિડેન્ટ પ્રકાશ વરમોરાનું નામ ભાજપના ઉમેદવાર તરીકે જાહેર કરવામાં આવ્યું છે જેથી કરીને સિરામિક જગતમાં રાજીપો જોવા મળી રહ્યો છે

વડાપ્રધાન નરેન્દ્ર મોદીના માર્ગદર્શન હેઠળ ગુજરાત વિધાનસભાની ચૂંટણી ભાજપ લડવાનો છે ત્યારે ઉમેદવારોની પ્રથમ યાદી જાહેર કરવામાં આવી છે જેમાં ઘણા જૂના જોગીઓને કાપીને તેની જગ્યાએ નવા નામો મૂકવામાં આવેલ છે ત્યારે મોરબી જીલ્લામાં આવતા હળવદની બેઠળ એટ્લે કે હળવદ ધ્રાંગધ્રા બેઠક માટે વર્તમાન ધારાસભ્ય પરસોતમભાઈ સાબરીયાનું નામ કાપીને તેની જગ્યાએ હાલમાં મોરબીના સિરમાઈક ઉદ્યોગપતિ અને એફઆઈએ એટલે કે ૨૧૮ જેટલી જીઆઇડીસી સહિતના અઢી લાખ ઉદ્યોગ સમૂહનું પ્રતિનિધત્વ કરતા ફેડરેશન ઓફ ઇન્ડસ્ટ્રીઝ એસો.ના પ્રેસિડેન્ટ, સરદારધામના ઉપપ્રમુખ તેમજ ઝાલાવાડ ચેમ્બર ઓફ કોમર્સ અને વઢવાણ ઇન્ડ. એસો. સહીત અનેક સંસ્થામાં પ્રમુખ તરીકે જવાબદારી સંભાળી ચૂકેલા પ્રકાશ વરમોરાનેભાજપના ઉમેદવાર જાહેર કરવામાં આવેલ છે મોરબીમાં સિરામિક એસો.ના વર્તમાન પ્રમુખ અને બે માજી પ્રમુખ દ્વારા ભાજપ પાસે ટિકિટની માંગણી કરવામાં આવી હતી તેવામાં મોરબી સિરામિક ઉદ્યોગ સાથે જોડાયેલા સફળ ઉદ્યોગપતિ પ્રકાશભાઈ વરમોરાને ભાજપની ટિકિટ આપવામાં આવતા સિરામિક ઉદ્યોગ જગતમાં રાજીપો જોવા મળી રહ્યો છે