મોરબીના રવાપર ગામેથી ગુમ થયેલ યુવતીએ પ્રેમલગ્ન કરી લીધા હોવાનું ખુલ્યું
Morbi Today
મોરબીમાં દુષ્કર્મની ફરિયાદને પાછી ખેંચી લેવા મહિલાના દીકરાને ધમકી આપનાર આરોપીના પિતા જેલ હવાલે : ૩ ની શોધખોળ
SHARE
JOIN OUR GROUP
મોરબીમાં દુષ્કર્મની ફરિયાદને પાછી ખેંચી લેવા મહિલાના દીકરાને ધમકી આપનાર આરોપીના પિતા જેલ હવાલે : ૩ ની શોધખોળ
મોરબીમાં થોડા દિવસો પહેલા સફાઈનું કામ કરતી મહિલાને ધારિયું બતાવીને કારમાં ઉઠાવી ગયા હતા અને ત્યાર બાદમાં તેની સાથે બે શખ્સો દ્વારા દુષ્કર્મ આચરવામાં આવ્યું હતું જેને પકડીને હાલમાં પોલીસે જેલ હવાલે કરેલ છે અને ત્યાર બાદ આરોપીના પિતા સહિતના ચાર શખ્સોએ ભોગ બનેલ મહિલાના દીકરાને ફરિયાદ પાછી ખેંચી લેવા માટે ગાળો આપીને જાનથી મારી નાંખવાની ધમકી આપી હતી તેવી ફરિયાદ નોંધાઈ હતી જેના આધારે પોલીસે દુષ્કર્મ આચારનારા શખ્સનાં પિતાની ધમકી આપવા સબબ ધરપકડ કરીને પોલીસે તેને જેલ હવાલે કરેલ છે અને બાકીના આરોપીઓને પકડવા માટે તજવીજ શરૂ કરેલ છે.
થોડા દિવસો પહેલા મોરબીમાં રાત્રી સફાઈનું કામ કરતી મહિલાને બે ઈસમો ધારિયું બતાવીને કારમાં લઈને ગયા હતા અને ધારિયા વડે તેને શરીરે ઇજા કર્યા બાદ તે મહિલા સાથે આશિષ તેમજ પંકજ નામના બે શખ્સોએ દુષ્કર્મ આચર્યું હતું જેથી કરીને ઇજા પામેલ મહિલાને મોરબી સિવિલમાં સારવાર માટે લઈને આવ્યા હતા અને તેને સારવાર લીધા બાદ બે શખ્સોની સામે એ ડિવિઝન પોલીસ સ્ટેશન ખાતે ફરિયાદ નોંધાવી હતી જેના આધારે પોલીસે ગુનો નોંધીને આરોપીને પકડીને જેલ હવાલે કરેલ છે. દરમ્યાન આરોપીના પિતા અને તેની સાથે અન્ય ત્રણ શખ્સો ભોગ બનેલ મહિલાના દીકરા પાસે આવ્યા હતા અને તેની માતાએ કરેલ ફરીયાદને પાછી ખેંચી લેવા માટે આરોપીના ઉમરલાયક પિતા સહિત ત્રણ શખ્સોએ ભોગ બનેલ મહિલાના દીકરા તેમજ સાહેદને જાતી પ્રત્યે અપમાનિત શબ્દો બોલી, મનફાવે તેવી ગાળો આપી, ફરીયાદ પાછી ખેંચી લ્યો નહીંતર જાનથી મારી નાખવાની ધમકી આપી હતી જેથી કરીને યુવાને નોંધાવેલ ફરિયાદ આધારે પોલીસે આરોપીને પકડવા માટે તજવીજ શરૂ કરી હતી અને આ ગુનામાં હાલમાં એસસીએસટી સેલના ડીવાયએસપી દ્રારા હેમંત દેવજીભાઇ આદ્રોજા (ઉમર ૫૫) રહે.રવાપર ઘુનડા રોડ ગોલ્ડન વ્યૂ મોરબી વાળાની ધરપકડ કરી હતી અને તેને હાલમાં જેલ હવાલે કરવામાં આવેલ છે તેમજ બીજા આરોપીઓને પકડવા માટે પોલીસે ચક્રો ગતિમાન કર્યા છે.
વાહન અકસ્માતમાં ઇજા
મોરબીના હળવદ ખાતે આવેલ ખારીવાળી વિસ્તારમાં હનુમાન મંદિર પાસે રહેતા રસીલાબેન મહેશભાઈ જાંબુકિયા નામની ૩૪ વર્ષીય મહિલા ઘર નજીકથી બાઈકમાં બેસીને જતા હતા ત્યારે રસ્તામાં હનુમાન મંદીર પાસે તેમના બાઈકની આડે અચાનક કૂતરું આડુ ઉતરતા તેઓનું બાઈક પલ્ટી મારી જતા ઇજાગ્રસ્ત થયેલા રસીલાબેનને સારવાર માટે અહીંની શિવમ હોસ્પિટલે લાવવામાં આવ્યા હતા જેથી મોરબી પોલીસે બનાવ અંગે નોંધ કરીને આગળની તપાસ અર્થે હળવદ પોલીસને બનાવની જાણ કરી હતી
