મોરબી માળિયા બેઠક ઉપર ઇતિહાસ રચાશે: ૧૯૯૫ થી પ્રથમ વખત માળિયામાં કોંગ્રેસ માઈનસ
Morbi Today
હળવદના ભલગામડા નજીક બાઇક સાથે બાઇક અથડાવી યુવાનનું મોત નિપજાવનાર સામે ગુનો નોંધાયો
SHARE
JOIN OUR GROUP
હળવદના ભલગામડા નજીક બાઇક સાથે બાઇક અથડાવી યુવાનનું મોત નિપજાવનાર સામે ગુનો નોંધાયો
મોરબીના હળવદ તાલુકાના ભલગામડા અને ઘનશ્યામપુરની વચ્ચે આવેલ હાઇસ્કુલ નજીક ગત તા.૨૩-૧૧ ના સાંજના છેક વાગ્યાના અરસામાં વાહન અકસ્માતનો બનાવ બન્યો હતો જે બનાવમાં એક યુવાનને ઇજા પહોંચી હતી અને એક યુવાનનું મોત નિપજયુ હતું. જે અંગે ભોગ બનેલ યુવાન દ્વારા સામેના વાહન ચાલકની સામે ફરિયાદ નોંધવામાં આવી છે.
હળવદ પોલીસ સૂત્રોમાંથી મળતી માહિતી મુજબ હાલમાં ભોગ બનેલ જગદીશભાઈ માવજીભાઈ ઝાલા (ઉ.વ.૩૩) ધંધો મજુરી રહે. રામપરા તા.ધાંગધ્રા જી સુરેંદ્રનગરએ હીરો એચએફ ડીલક્ષ મોટર સાયકલ નંબર જીજે ૧૩ એએન ૪૨૬ ના ચાલક સામે ફરીયાદ નોંધાવતા જણાવ્યુ હતુ કે, તા.૨૩-૧૧ ના સાંજના છએક વાગ્યે હળવદના ભલગામડા તથા ઘનશ્યામપુર ગામ વચ્ચે આવેલ રંગ માધ્યમીક સ્કુલની સામે આવતા રોડ ઉપર આરોપીએ તેના હવાલાવાળું એચ.એફ.ડીલક્ષ બાઇક નંબર જીજે ૧૩ એએન ૪૨૬ પુરઝડપે તેમજ બેફીકરાઇપુર્વક ચલાવીને મરણજનાર મોહનભાઇના હવાલાવાળા હીરો સ્પેલ્નડર મોટર સાયકલ નંબર જીજે ૧૩ એસી ૬૮૮૧ સાથે પોતાના વાહનની ટકકર મારી અકસ્માત કરીને સાહેદને શરીરે છોલાણની ઇજાઓ પહોંચાડી હતી તેમજ ફરીયાદી જગદીશના ભાઇ મોહનભાઇનું મોત નીપજાવ્યુ હતુ.હાલમાં પીએસઆઇ કે.એન.જેઠવા તપાસ ચલાવી રહેલ છે.
વાંકાનેરના જુના ધમાલ પર ગામે દારૂ પકડાયો
વાંકાનેર સીટી પોલીસ મથકની હદમાં આવતા જુના જમાલપર ગામના ઝાંપા પાસે અવાવરૂ જગ્યામાં બાતમીના આધારે પોલીસ સ્ટાફ દ્વારા રેડ કરવામાં આવતા ત્યાંથી પોલીસને રૂપિયા ૮૦૦ ની કિંમતનો ૪૦ લીટર દેશી દારૂ મળી આવ્યો હતો અને તે દારૂનો જથ્થો રહીમ રાયધન મોવર રહે.વીસીપરા વાંકાનેર વાળાનો હોવાનું ખુલતા તેની સામે ફરિયાદ નોંધીને તેની શોધખોળ હાથ ધરવામાં આવી છે.
મારામારીમાં ઈજા
મોરબીના શનાળા રોડ ઉપર આવેલા ઉમિયા સર્કલ નજીક રહેતા વિકાસ ગોવાભાઇ પરમાર (૨૫) અને હંસાબેન વિકાસભાઈ પરમાર (૨૫) ને ઘર પાસે થયેલ મારામારીના બનાવમાં ઇજા થતા બંનેને ગઈકાલે સાંજે સાતેક વાગ્યાના અરસામાં સિવિલ હોસ્પિટલે લાવવામાં આવ્યા હતા જેથી હાલમાં એ ડિવિઝન પોલીસ મથકના હરેશભાઈ ચાવડા દ્વારા આ અંગે તપાસ ચલાવવામાં આવી રહી છે.
