મોરબીના લીલાપર ડેમ નજીક બે બાઇક અથડાતા ત્રણ યુવાનો સારવારમાં
SHARE
JOIN OUR GROUP
મોરબીના લીલાપર ડેમ નજીક બે બાઇક અથડાતા ત્રણ યુવાનો સારવારમાં
મોરબીના લીલાપર ગામ પાસે આવેલા મચ્છુ-૨ ડેમ નજીક બે બાઈક સામસામે અથડાવવાનો બનાવ બન્યો હતો જેમાં ઘવાયેલા ત્રણ લોકોને મોરબીની સિવિલ હોસ્પિટલ તેમજ અન્ય હોસ્પિટલમાં સારવાર માટે લાવવામાં આવ્યા હોવાનું જાણવા મળેલ છે.
ઉપરોક્ત વાહન અકસ્માતના બનાવની જાણવા મળતી વિગતો મુજબ મોરબીના લીલાપર રોડ ઉપર મચ્છુ-૨ ડેમ પાસે બે બાઈક સામસામા અથડાવવાનો અકસ્માત બનાવ બન્યો હતો.જે બનાવમાં ઇજાઓ થતા જયેશ સુનિલભાઈ ઉર્ફે કરશનભાઈ ચૌહાણ (૩૫) રહે.ઘુંટુ તા.જી.મોરબી તેમજ પરબત વેલજીભાઇ ચૌહાણ (૩૫) રહે.લીલાપર અને દિલા રાણાભાઇ ચૌહાણ (૪૦) રહે.લીલાપર વાળાઓને ઇજાઓ થતા ત્રણેયને પ્રથમ સિવિલ હોસ્પિટલે સારવાર માટે લાવવામાં આવ્યા હતા જ્યાંથી જયેશભાઈ ચૌહાણને વધુ સારવાર માટે અત્રેની આયુષ હોસ્પિટલે ખસેડાયો હોવાનું જાણવા મળેલ છે. બનાવની જાણ થતા હાલમાં તાલુકા પોલીસ મથકના વિજયભાઈ ડાંગર દ્વારા બનાવની નોંધ કરીને આ અંગે આગળની તપાસ ચલાવવામાં આવી રહી છે. જયારે મોરબી નજીકના રફાળેશ્વર ગામે રહેતા કમલેશભાઈ ચમનભાઈ ડાભી મોરબી તરફ જતા હતા ત્યારે બંધુનગર નજીક શ્યામ હોટલની સામે તેઓનું બાઇક સ્લીપ થઇ જતા સારવારમાં ખસેડવામાં આવ્યો હતો.
બાઇક હડફેટે વૃદ્ધાને ઈજા
સુરેન્દ્રનગરના ધાંગધ્રા તાલુકાના ધ્રુમઠ ગામના રહેવાસી હવાબેન અબ્દુલભાઈ મુલતાની નામના ૮૩ વર્ષના વૃદ્ધા પેન્શન લેવા માટે મોરબી આવ્યા હતા અને અહીં મોરબીના વાવડી રોડ ઉપર તેઓ દરગાહ નજીક રિક્ષામાંથી નીચે ઉતર્યા અને પગપાળા જવા માટે ચાલતા હતા ત્યારે અજાણ્યા બાઈક ચાલકે તેમને હડફેટે લેતા ઇજાગ્રત થયેલા હવાબેન મુલતાનીને અહીંની સદભાવના હોસ્પિટલે ખસેડવામાં આવ્યા હતા જેથી એ ડિવિઝન પોલીસ મથકના પી.બી.ઝાલા દ્વારા આ અંગે તપાસ ચલાવવામાં આવી રહી છે.જ્યારે મોરબીના માળીયા હાઇવે ઉપર આવેલા લક્ષ્મીનગર ગામ પાસેના સહારા કોલમાં રહેતા રાહુલ નથુભાઈ મેડા નામના ૧૮ વર્ષના યુવાનને લક્ષ્મીનગર ગામ પાસે બાલાજી ક્રેન નજીક બાઇક અકસ્માતના બનાવમાં ઇજાઓ પહોંચી હતી જેથી કરીને તેને સારવારમાં ખસેડાયો હતો અને અકસ્માત સંદર્ભે તાલુકા પોલીસ મથકના મનીષભાઈ બારૈયા આગળની તપાસ ચલાવી રહ્યા છે.
