તસ્કરો બેખોફ..? : મોરબીની રવિરાજ ચોકડી પાસે સરકારી કચેરીના સ્ટોરરૂમમાંથી ૨૩.૨૪ લાખના મુદામાલની ચોરી
Morbi Today
વાંકાનેરના વઘાસીયા ટોલનાકા નજીક નંબર પ્લેટ વગરના ડમ્પર ચાલકે બાઇકને હડફેટે લેતા યુવાનનું મોત
SHARE
JOIN OUR GROUP
વાંકાનેરના વઘાસીયા ટોલનાકા નજીક નંબર પ્લેટ વગરના ડમ્પર ચાલકે બાઇકને હડફેટે લેતા યુવાનનું મોત
વાંકાનેર નજીક આવેલ વઘાસીયા ટોલનાકાથી જીઆઇડીસી નાકા તરફ જવાના રસ્તા ઉપર ડમ્પર ચાલકે બાઈકને લીધું હતું જેથી કરીને બાઈક ચાલક યુવાનને માથા અને કાનના ભાગે ગંભીર ઇજા થયેલ હતી અને તેનું મોત નિપજ્યું હતું જેથી હાલમાં અકસ્માત મૃત્યુના આ બનાવવામાં મૃતક યુવાનના ભાઈની ફરિયાદ લઈને પોલીસે નંબર પ્લેટ વગરના ડમ્પરના ચાલક સામે ગુનો નોંધીને તેને પકડવા માટે તજવીજ શરૂ કરેલ છે.
બનાવની જાણવા મળતી વિગત પ્રમાણે વાંકાનેરના કુંભારપરા રમણભાઈની વાડી વિસ્તારમાં રહેતા હસમુખભાઈ મોહનભાઈ બોસિયા (૨૭) એ હાલમાં વાંકાનેર સિટી પોલીસ સ્ટેશન ખાતે નંબર પ્લેટ વગરના ડમ્પરના ચાલક સામે અકસ્માતની ફરિયાદ નોંધાવે છે જેમાં તેને જણાવ્યું છે કે તેનો ભાઈ ભાવેશભાઈ મોહનભાઈ બોસિયા (૩૦) બાઈક નંબર જીજે ૩૬ એડી ૨૬૯૦ લઈને મજૂરી કામે ગયો હતો અને ત્યાંથી તે મોડી સાંજે સ આડા આઠેક વાગ્યે પોતાના ઘર તરફ આવી રહ્યો હતો ત્યારે વઘાસીયા ટોલનાકાથી આગળ જીઆઇડીસીના નાકા પાસે કોઈ અજાણ્યા નંબર પ્લેટ વગરના ડમ્પરના ચાલકે તેના બાઇકને લીધું હતું જેથી કરીને ભાવેશભાઈને માથામાં અને કાનના ભાગે ગંભીર ઈજા થઈ હોવાથી તેને તાત્કાલિક એમ્બ્યુલન્સમાં વાંકાનેરની સરકારી હોસ્પિટલ ખાતે લઈને આવ્યા હતા જોકે, ફરજ પરના ડોક્ટરે તેને જોઈ તપાસીને મૃત જાહેર કર્યો હતો અને અકસ્માતના આ બનાવની હાલમાં મૃતક યુવાનના ભાઈએ વાંકાનેર સિટી પોલીસ સ્ટેશન ખાતે ફરિયાદ નોંધાવતા પોલીસે અજાણ્યા નંબર પ્લેટ વગરના ડમ્પરના ચાલક સામે ગુનો નોંધીને તેને પકડવા માટે તજવીજ શરૂ કરેલ છે અને વધુમાં પોલીસ સુત્રો પાસેથી જાણવા મળતી વિગત પ્રમાણે અકસ્માતના આ બનાવના કારણે ચાર વર્ષના માસુમ બાળકે તેના પિતાની છત્રછાયા ગુમાવી છે.
એક બોટલ દારૂ
વાંકાનેર તાલુકાના સરતાનપર રોડ ઉપરથી પસાર થઈ રહેલા શખ્સને રોકીને પોલીસે ચેક કરતા તેની પાસેથી દારૂની એક બોટલ મળી આવી હતી જેથી પોલીસે ૩૦૦ ની કિંમતની દારૂની બોટલ કબજે કરી હતી અને અનિરુદ્ધસિંહ દાનુભા ચૌહાણ જાતે કારડીયા રાજપુત (ઉંમર ૩૦) રહે. હાલ નવા ઢુવા તાલુકો વાંકાનેર વાળાની ધરપકડ કરેલ છે અને તેની પાસેથી મળી આવેલ દારૂની બોટલ તે ક્યાંથી લાવ્યો હતો તે દિશામાં તપાસ શરૂ કરી છે.
