મોરબીના સીરામીક યુનિટના લેબર ક્વાર્ટરમાં બીજા માળેથી પડી જતા મોત
Morbi Today
મોરબીના નાનીવાવડી ગામે કાર ચાલકે બાઈક અને હડફેટ લેતા પિતા-પુત્ર ઇજાગ્રસ્ત
SHARE
JOIN OUR GROUP
મોરબીના નાનીવાવડી ગામે કાર ચાલકે બાઈક અને હડફેટ લેતા પિતા-પુત્ર ઇજાગ્રસ્ત
મોરબી નજીકના નાની વાવડી ગામે વાહન અકસ્માતનો બનાવ બન્યો હતો જેમાં બેકાબુ કારના ચાલકે ડબલ સવારી બાઇક સહિત અન્ય એક વાહનને હડફેટે લેતા કુલ ત્રણ લોકોને ઇજાઓ પહોંચી હતી જે પૈકી ઇજાગ્રસ્તને રાજકોટ લઈ જવાયા હોવાનું પણ જાણવા મળેલ છે.
મોરબી તાલુકા પોલીસ મથકના સૂત્રોમાંથી મળતી માહિતી મુજબ મોરબીના નાની વાવડી ગામે રહેતા કિરીટભાઈ નથુભાઈ ચાવડા (૪૨), હમીરભાઈ મેપાભાઇ પીઠમલ (૫૦) અને કાનાભાઈ હમીરભાઈ પીઠમલ (૨૫) ને બાઈક અને કાર અકસ્માતમાં ઇજાઓ પહોંચતા ત્રણેયને પ્રથમ અત્રેની ક્રિષ્ના હોસ્પિટલે સારવાર માટે લાવવામાં આવ્યા હતા જ્યાંથી કિરીટભાઈ ચાવડા અને હમીરભાઈને વધુ સારવાર માટે રાજકોટ ખસેડાયા હોવાનું સૂત્રોમાંથી જાણવા મળેલ છે બનાવની જાણ થતા એ ડિવિઝન પોલીસ મથકના વી.કે.ફુલતરીયા દ્વારા તપાસ ચલાવવામાં આવી રહી છે.બનાવ નાની વાવડી ગામે આવેલ સમજુબા વિદ્યાલય પાસે બન્યો હોવાનું પોલીસે જણાવ્યું હતું. જ્યારે મોરબીના વાંકાનેર હાઇવે ઉપર આવેલ ઢુવા ગામ નજીક વરમોરા સીરામીક પાસે વાંકાનેર હાઇવે ઉપર સિરામીક યુનિટ પાસે મારામારીનો બનાવ બન્યો હતો જે બનાવમાં ઇજાઓ થતા રાજન પરશુરામભાઈ હાલ રહે.વરમોરા સીરામીક ઢુવા(વાંકાનેર) વાળાને ઇજાઓ થતા સિવિલે સારવારમાં ખસેડવામાં આવ્યો હતો.
આધેડ મહિલા સારવારમાં
મોરબી સીટી એ ડિવિઝન પોલીસ સુત્રોમાંથી મળતી માહિતી મુજબ કલ્પનાબેન વિપુલભાઈ સવસાણી નામના ૫૦ વર્ષીય મહિલા સ્કૂલેથી એકટીવા લઈને ઘર તરફ જતા હતા ત્યારે રસ્તામાં કોઈ અજાણ્યા બાઈક ચાલકે તેમના એકટીવાને નવયુગ સ્કૂલ પાસે આવેલ યદુનંદનપાર્ક પાસે હડફેટ લેતા ઇજાઓ પામેલા કલ્પનાબેનને અત્રે ડો.હેમલ પટેલ હોસ્પિટલે સારવાર માટે લઈ જવામાં આવ્યા હતા જેથી પોલીસે આ અંગે નોંધ કરી આગળની તપાસ હાથ ધરી છે.જ્યારે મોરબીના નવલખી રોડ ઉપર આવેલ નીલકંઠ રેસિડેન્સી વિસ્તારમાં રહેતા નીતાબેન વાલાભાઈ વરૂ નામના ૪૬ વર્ષીય મહિલા એકટીવા લઈને જતા હતા ત્યારે વાવડી ચોકડીથી નવલખી ફાટકના વચ્ચેના રસ્તે તેઓના એકટીવાને પાછળના ભાગેથી કોઈ અજાણ્યા વાહનના ચાલકે હડફેટે લેતા સર્જાયેલ વાહન અકસ્માતમાં ઇજાઓ થતા નિતાબેન વરૂને ઇજાઓ પહોંચી હતી જેથી તેઓને અત્રેની ક્રિષ્ના હોસ્પિટલે સારવાર માટે ખસેડાયા હતા હાલ બનાવ અંગે એ ડિવિઝન પોલીસે નોંધ કરીને આગળની તપાસ હાથ ધરી છે.
