મોરબીમાં હેલ્ધી બેબી કોમપિટિશન નું અનોખું અને ધમાકેદાર આયોજન, આકર્ષક ઇનામોની વણઝાર
Morbi Today
મોરબીની આદર્શ સોસાયટીમાં હોકી વડે મારમારીને પતિએ પત્નીનું માથું ફાડી નાખ્યું
SHARE
JOIN OUR GROUP
મોરબીની આદર્શ સોસાયટીમાં હોકી વડે મારમારીને પતિએ પત્નીનું માથું ફાડી નાખ્યું
મોરબીના સનાળા રોડ ઉપર સરદાર બાગની પાછળના ભાગમાં આવેલ આદર્શ સોસાયટીમાં રહેતી પરણીતાને તેના પતિએ હોકી વડે માર માર્યો હતો અને જેથી મહિલાને માથામાં હેમરેજ જેવી ઈજા થઈ હતી અને તેના બાળકને પણ ઈજા થઈ હોવાથી બંનેને સારવાર માટે લઈ જવામાં આવ્યા હતા અને સારવાર લીધા બાદ ભોગ બનેલ પરિણીતાએ તેના પતિ સામે મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
જાણવા મળતી માહિતી પ્રમાણે મોરબીમાં સનાળા રોડ ઉપર સરદાર બાગની પાછળના ભાગમાં આવેલ આદર્શ સોસાયટીમાં રહેતા શ્રદ્ધાબેન નીરવભાઈ રાજપરા જાતે પટેલ (ઉંમર ૩૨) એ હાલમાં તેના પતિ નીરવભાઈ વલ્લભભાઈ રાજપરા રહે. આદર્શ સોસાયટી મોરબી વાળાની સામે ફરિયાદ નોંધાવેલ છે જેમાં તેણે જણાવ્યુ છે કે, તેના પતિ નીરવભાઈએ હોકી વડે તેને માર માર્યો હતો અને માથામાં હોકી મારી હોવાથી તેને માથામાં હેમરેજ જેવી ઈજા થયેલ છે અને આઠથી દસ જેટલા ટાંકા આવેલ છે તેમજ ડાબા હાથના કાંડામાં અને શરીરે પણ ઇજાઓ કરી હતી અને ગાળો આપીને જાનથી મારી નાખવાની ધમકી આપી હતી અને આ તકે તેના દીકરા વિધાન રાજપરા (ઉંમર ૬)ને પણ ઇજા થઈ હતી જેથી કરીને માતા પુત્ર બંનેને સારવારમાં ખસેડવામાં આવ્યા હતા અને સારવાર લીધા બાદ શ્રદ્ધાબેન રાજપરાએ તેના પતિની સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
