મોરબી નજીક કાર ચાલકે બાઇકને હડફેટે લેતા ઇજા પામેલ ભત્રીજાનું મોત: કાકા સારવારમાં
SHARE
JOIN OUR GROUP
મોરબી નજીક કાર ચાલકે બાઇકને હડફેટે લેતા ઇજા પામેલ ભત્રીજાનું મોત: કાકા સારવારમાં
મોરબીના ભરતનગર ગામ પાસેથી ડબલ સવારી બાઈકમાં કાકા અને ભત્રીજો જતાં હતા ત્યારે તેના બાઇકને વેગનાર કારના ચાલકે હડફેટે લીધું હતું જેથી બાઈક ઉપર જઈ રહેલા કાકા અને ભત્રીજાને ગંભીર ઈજા થઇ હોવાથી તેને પ્રથમ સારવાર મોરબી આપ્યા બાદ વધુ સારવાર માટે રાજકોટ લઈને ગયા હતા ત્યાં ચાલુ સારવારે ભત્રીજાનું મોત નીપજયું હતું અને ઈજા પામેલા કાકા હાલમાં પણ સારવાર હેઠળ છે ત્યારે તેની ફરિયાદ લઈને પોલીસે કાર ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી વિગત પ્રમાણે મોરબીના નવલખી રોડ ઉપર આવેલ યમુનાનગરમાં રહેતા જીગ્નેશભાઈ રોહિતભાઈ ચાવડા જાતે આહિર (ઉંમર ૩૪) પોતાના ભત્રીજા રાહુલ પ્રભાતભાઈ ચાવડા (ઉમર ૨૭) સાથે મોરબી માળીયા હાઇવે ઉપર આવેલ ભરતનગર ગામ પાસેથી બાઈક નં. જીજે ૩ એચડી ૯૫૬૪ લઈને પસાર થઈ રહ્યા હતા ત્યારે વેગનાર કાર નં. જીજે ૧૧ બીએચ ૫૦૯૧ ના ચાલકે તેના બાઇકને લીધું હતું જેથી કરીને ફરિયાદી જીગ્નેશભાઈ અને તેના ભત્રીજા રાહુલને ઇજાઓ થઈ હતી જેથી તેને પ્રથમ સારવાર માટે મોરબી અને ત્યાંથી વધુ સારવાર માટે રાજકોટ લઈ ગયા હતા જોકે રાહુલને માથામાં ગંભીર ઇજા થયેલ હોવાથી તેનું સારવાર દરમિયાન મોત નીપજયું હતું અને ફરિયાદી જીગ્નેશભાઈને પગ, કમર અને છાતીના ભાગે ઇજાઓ થઈ હોવાથી તે હાલમાં સારવાર હેઠળ છે જો કે, ઈજા પામેલ જીગ્નેશભાઈ ચાવડાની મોરબી તાલુકા પોલીસે ફરિયાદ લઈને કાર ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે
