મોરબીમાં ગુજરાત ક્ષત્રિય ઠાકોર સેનાના હોદેદારોએ મિટીંગમાં સમાજમાં શિક્ષણનો વ્યાપ વધારવા ભાર મુક્યો
Morbi Today
મોરબીના સ્ટેશન રોડ અને ઘૂટું ગામેથી બે બાઈકની ચોરી
SHARE
JOIN OUR GROUP
મોરબીના સ્ટેશન રોડ અને ઘૂટું ગામેથી બે બાઈકની ચોરી
મોરબી શહેરના રેલ્વે સ્ટેશન રોડ ઉપર આવેલ સિંધુભવન પાસેથી તેમજ મોરબીના ઘૂટું ગામ પાસેથી એક એક બાઈકની ચોરી કરવામાં આવેલ છે જેથી કરીને ભોગ બનેલા બંને યુવાન દ્વારા સ્થાનિક પોલીસ સ્ટેશનમાં જુદીજુદી બાઇક ચોરીની બે ફરિયાદ નોંધાવવામાં આવતા પોલીસે ચોરીના બંને ગુના નોંધીને આગળની કાર્યવાહી હાથ ધરી છે
મોરબીના નવલખી રોડ ઉપર આવેલ રણછોડનગરની બાજુમાં શાંતિવન સોસાયટીમાં રહેતા કમલેશભાઈ મંડણભાઈ કરોતરા જાતે રબારી (૩૫) એ મોરબી સીટી એ ડિવિઝન પોલીસ સ્ટેશન ખાતે અજાણ્ય શખ્સની સામે બાઇક ચોરીની ફરિયાદ નોંધાવેલ છે જેમાં તેને જણાવ્યું છે કે, મોરબીના રેલ્વે સ્ટેશન રોડ ઉપર આવેલ સિંધુભવનની બાજુમાં હનુમાનજી મંદિર વાળી શેરીમાં તેને પોતાનું બાઈક નં જીજે ૩ બીએચ ૬૨૦૫ પાર્ક કરીને મૂક્યું હતું જે બાઈકની કોઈ અજાણ્ય શખ્સે ચોરી કરી છે જેથી ૧૫૦૦૦ રૂપિયાની કિંમતના બાઈકની ચોરી થઈ હોવાની કમલેશભાઈએ ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે તો મોરબી નજીકના ઘૂટું ગામે ખરાવાડ વિસ્તારમાં રહેતા જગદીશભાઈ પ્રેમજીભાઈ સોરીયા જાતે પટેલ (૩૨) એ મોરબી તાલુકા પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધાવી છે જેમાં તેણે જણાવ્યું છે કે ઘૂટું ગામે ખરાવાડ વિસ્તારમાં તેને પોતાનું બાઈક નં જીજે ૩૬ એન ૩૯૯૬ પાર્ક કરીને મૂક્યું હતું જે કોઈ અજાણ્યો શખ્સ ચોરી કરી ગયેલ છે જેથી કરીને ૨૦૦૦૦ રૂપિયાની કિંમતના બાઈકની ચોરી થઈ હોવા અંગેની ભોગ બનેલા યુવાને ફરિયાદ નોંધાવતા તાલુકા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
એક બોટલ દારૂ
મોરબીના રવાપર રોડ ઉપર આવેલ જયદીપ પાઉભાજી વાળી શેરીમાંથી પસાર થતાં બે શખ્સોને રોકીને પોલીસે ચેક કરતા તેની પાસેથી દારૂની એક બોટલ મળી આવી હતી જેથી પોલીસે ૫૨૦ રૂપિયાની કિંમતની દારૂની બોટલ સાથે મનોજભાઈ નંદલાલભાઈ ચૌહાણ (૩૪) રહે. મોચી શેરી મોરબી તેમજ સરતાજભાઈ સલીમભાઈ અન્સારી (૩૦) રહે. જોન્સનગર શેરી નં-૧૦ મોરબી વાળાની ધરપકડ કરેલ છે
