મોરબીના મધુપુર ગામે મકાનમાંથી ૬૦ બોટલ દારૂ સાથે એક ઝડપાયો
SHARE
JOIN OUR GROUP
મોરબીના મધુપુર ગામે મકાનમાંથી ૬૦ બોટલ દારૂ સાથે એક ઝડપાયો
મોરબી માળિયા હાઇવે ઉપર આવેલ મધુપુર ગામે રહેણાંક મકાનમાં તાલુકા પોલીસની ટીમ દ્વારા દારૂની રેડ કરવામાં આવી હતી ત્યારે ઘરમાંથી દારૂની ૬૦ બોટલો સાથે એક શખ્સ મળી આવ્યો હતો જેથી કરીને પોલીસે ૫૧ હજાર રૂપિયાની કિંમતના દારૂના જથ્થા સાથે તેની ધરપકડ કરી હતી અને તેની સામે મોરબી તાલુકા પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરવામાં આવી હતી
જાણવા મળતી વિગત પ્રમાણે મોરબી માળિયા હાઇવે ઉપર આવેલ મધુપુર ગામે રહેણાંક મકાનમાં દારૂનો જથ્થો હોવાની મોરબી તાલુકા પોલીસને બાતમી મળી હતી જેના આધારે પોલીસે ત્યાં કુલદીપસિંહ વિભાજી જાડેજાના રહેણાંક મકાનમાં દારૂની રેડ કરી હતી ત્યારે બાથરૂમમાંથી દારૂની ૬૦ બોટલો મળી આવી હોય પોલીસે ૫૧૦૦૦ ની કિંમતનો દારૂનો જથ્થો કબજે કર્યો હતો અને આરોપી કુલદીપસિંહ વિભાજી જાડેજા જાતે દરબાર (ઉમર ૩૧) રહે. વિદ્યુતનગર મકાન નં-૪૪ મોરબી વાળાની ધરપકડ કરી હતી અને તેની પાસેથી મળી આવેલ દારૂની બોટલો તે ક્યાંથી લાવ્યો હતો અને કોને આપવાનો હતો તે દિશામાં હાલમાં પોલીસ દ્વારા તપાસ શરૂ કરવામાં આવી છે
અકસ્માતમાં ઇજા
મોરબીના શનાળા રોડ ઉપર બસ સ્ટેન્ડની પાછળના ભાગમાં આવેલ નવયુગ સ્કૂલ પાસેથી કરમ એલિસભાઈ રામોલિયા (ઉંમર ૧૦) રહે. પુનિતનગર વાળો બાળક સાયકલ લઈને પસાર થઈ રહ્યો હતો ત્યારે તે સાયકલ ઉપરથી નીચે પડી જતા તેને ઇજાઓ થઈ હોવાથી તેને સારવાર માટે મોરબીની ખાનગી હોસ્પિટલમાં લઈ ગયા હતા અને આ બનાવની મોરબી એ ડિવિઝન પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી
