મોરબી યંગ ઇન્ડિયા ગ્રુપનો સંજય રાવલની હાજરીમાં પારિવારિક મિલન-અમૃતમંથનનો કાર્યક્ર્મ યોજાયો
Morbi Today
મોરબીના ઘૂટું રોડે મંદિર પાસેથી ૨૦૪ બોટલ દારૂ સાથે બે શખ્સ પકડાયા, બેની શોધખોળ
SHARE
JOIN OUR GROUP
મોરબીના ઘૂટું રોડે મંદિર પાસેથી ૨૦૪ બોટલ દારૂ સાથે બે શખ્સ પકડાયા, બેની શોધખોળ
મોરબીના જુના ઘુટુ રોડ ઉપર આવેલ સ્મશાન સામે મસાણની મેલડી માતાજી મંદિરની પાછળના ભાગમાં બાવળની કાટમાં પોલીસે દારૂની રેડ કરી હતી ત્યારે સ્થળ ઉપરથી ૨૦૪ બોટલ દારૂ મળી આવ્યો હતો જેથી પોલીસે ૭૬૫૦૦ ની કિંમતનો મુદ્દામાલ કબજે કર્યો હતો અને સ્થળ ઉપરથી બે શખ્સોની ધરપકડ કરી હતી જોકે તેની પાસેથી વધુ બે શખ્સનાં નામ સામે આવ્યા હોય તેને પકડવા માટે પોલીસે તજવીજ શરૂ કરેલ છે.
જાણવા મળતી વિગત પ્રમાણે મોરબીના જુના ઘૂટું રોડ ઉપર આવેલ સ્મશાનની સામે મસાણની મેલડી માતાજીના મંદિરની પાછળના ભાગમાં બાવળની કાંટમાં દારૂનો જથ્થો હોવાની મોરબી બી ડિવિઝન પોલીસને બાતમી મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની ૨૦૪ બોટલો મળી આવી હતી જેથી કરીને પોલીસે ૭૬૫૦૦ ની કિંમતનો દારૂનો જથ્થો સ્થળ ઉપરથી કબજે કર્યો હતો અને ત્યાંથી જયેશ મનસુખભાઈ શેખલીયા જાતે પટેલ (૨૯) રહે. લાલપર જૂના ગામ રામજી મંદિર પાસે મૂળ રહે વણા તાલુકો લખતર અને હસમુખભાઈ નાનજીભાઈ સારલા જાતે કોળી (૪૧) રહે. સિલ્વર પાર્ક સોસાયટી ત્રાજપર ખારી પાછળ જુના ઘુટુ રોડ મોરબી વાળાની ધરપકડ કરેલ છે અને આ બંને શખ્સો પાસેથી દીપકભાઈ શિવરામભાઈ કોળી રહે. સિલ્વર પાર્ક મોરબી તથા સિંધાભાઈ દશરથભાઈ કોળી ઠાકોર રહે રાજપર તાલુકો ધાંગધ્રા વાળાના નામ સામે આવ્યા છે જેથી તે બંનેની સામે પણ ગુનો નોંધીને તેને પકડવા માટે પોલીસે તજવીજ શરૂ કરે છે.
એક બોટલ દારૂ
મોરબીના બાપા સીતારામ ચોક પાસેથી પસાર થતાં બે શખ્સોને રોકીને પોલીસે ચેક કર્યા હતા ત્યારે તેની પાસેથી દારૂની એક બોટલ મળી આવી હતી જેથી પોલીસે ૩૦૦ ની કિંમતની દારૂની બોટલ સાથે સુનિલભાઈ મહેન્દ્રભાઈ દેવાણી જાતે બારોટ (૨૮) રહે. માધાપર શેરી નં-૧૨ અને દેવજીભાઈ ખેતાભાઇ પરમાર જાતે દલવાડી (૩૦) રહે. બોની પાર્ક સગારાની વાડી રવાપર રોડ મોરબી વાળાની ધરપકડ કરેલ છે અને તેની પાસેથી મળી આવેલ દારૂની બોટલ તે ક્યાંથી લાવ્યા હતા તે દિશામાં તપાસ શરૂ કરી છે.
