મારી સામેના આક્ષેપનું એક પ્રુફ જો આપે તો માત્ર જાહેર જીવન નહીં મોરબી પણ મૂકી દઇશ: અજય લોરીયા
Morbi Today
મોરબીના નવાડેલા રોડ-કુંભાર શેરીમાંથી પોલીસે ૧૮૦ બોટલ દારૂ કબજે કર્યો: બુટલેગરની શોધખોળ
SHARE
JOIN OUR GROUP
મોરબીના નવાડેલા રોડ-કુંભાર શેરીમાંથી પોલીસે ૧૮૦ બોટલ દારૂ કબજે કર્યો: બુટલેગરની શોધખોળ
મોરબીના નવાડેલા રોડ ઉપર રહેણાંક મકાનમાં તથા કુંભાર શેરી પાસેના ખંઢેર મકાનમાં પોલીસે દારૂની રેડ કરી હતી ત્યારે ત્યાંથી જુદી જુદી બ્રાન્ડની કુલ મળીને દારૂની ૧૮૦ બોટલ મળી આવી હતી જેથી કરીને પોલીસે ૭૨,૭૨૦ ની કિંમતનો મુદ્દામાલ કબજે કર્યો હતો જોકે, આરોપી હાજર મળી ન આવતા તેની સામે મોરબી સીટી એ ડિવિઝન પોલીસ સ્ટેશન ખાતે ગુનો નોંધીને પોલીસે તેને પકડવા માટે તજવીજ શરૂ કરી છે.
જાણવા મળતી વિગત પ્રમાણે મોરબીના નવાડેલા રોડ ઉપર રહેતા હિતેશ ઉર્ફે મોઢ્યો ચંદ્રકાંતભાઈ ધોળકિયાના રહેણાંક મકાનમાં દારૂનો જથ્થો હોવાની બાતમી મળી હતી જેના આધારે સ્થાનિક પોલીસ દ્વારા તેના ઘરે દારૂની રેડ કરવામાં આવી હતી ત્યારે ત્યાંથી દારૂનો જથ્થો મળી આવ્યો હતો તેમજ કુંભાર શેરીમાં આવેલ ખંઢેર મકાનમાંથી પણ દારૂનો જથ્થો મળી આવ્યો હોય પોલીસે કુલ મળીને દારૂની જુદી જુદી બ્રાન્ડની ૧૮૦ બોટલો કબજે કરીને ૭૨,૭૨૦ ની કિંમતનો મુદ્દામાલ કબજે કર્યો હતો જોકે બુટલેગર હિતેશ ઉર્ફે મોઢ્યો ચંદ્રકાંતભાઈ ધોળકિયા ઘરે હાજર મળી આવ્યો ન હતો જેથી કરીને તેની સામે મોરબી સીટી એ ડિવિઝન પોલીસ સ્ટેશન ખાતે ગુનો નોંધીને પોલીસે તેને પકડવા માટે તજવીજ શરૂ કરેલ છે.
