મોરબીની પી.જી. પટેલ કોલેજમાં P.G.P પ્રીમિયર ક્રિકેટ લીગ અંતર્ગત ક્રિકેટ ટુર્નામેન્ટ યોજાઇ
SHARE
JOIN OUR GROUP
મોરબીની પી.જી. પટેલ કોલેજમાં P.G.P પ્રીમિયર ક્રિકેટ લીગ અંતર્ગત ક્રિકેટ ટુર્નામેન્ટ યોજાઇ
મોરબીની કોમર્સ અને મેનેજમેન્ટ ક્ષેત્રની અગ્રણી એવી પી.જી. પટેલ કોલેજમાં તારીખ 6 અને 7 જાન્યુઆરીના રોજ P.G.P પ્રીમિયર લીગ અંતર્ગત ક્રિકેટ ટુર્નામેન્ટનું ભવ્ય આયોજન રવાપર ગામથી આગળ ક્રિકેટનાં મેદાન ખાતે કરવામાં આવ્યું હતું.આ ક્રિકેટ ટુર્નામેન્ટમાં કોલેજના તમામ ક્લાસની ટીમે ભાગ લીધો હતો. તારીખ 6 જાન્યુઆરી 2023 ના રોજ લીગ મેચનું આયોજન કરવામાં આવ્યું હતું અને તારીખ 7 જાન્યુઆરી 2023 ના રોજ સેમિફાઇનલ અને ફાઇનલ મેચ યોજઈ હતી.મેચ પહેલા ભારતનું રાષ્ટ્રગીત ગાવામાં આવ્યું હતું.તમામ મેચમાં શ્રેષ્ઠ પ્રદર્શન કરનારને મેન ઓફ ધ મેચના પ્રાઈઝ આપવામાં આવ્યા હતા.
સેમિફાઇનલમાં S.Y B.com English મીડીયમ, T.Y B.com ગુજરાતી મીડીયમ, તેમજ B.B.A Sem-4 અને F.Y B.com ગુજરાતી મીડીયમની ટીમે જગ્યા બનાવી હતી ચારેય ટીમ વચ્ચે સેમિફાઇનલ રાઉન્ડ રમાયા બાદ ફાઇનલમાં S.Y B.B.A. અને S.Y B.com English એ પ્રવેશ મેળવ્યો હતો. આ બે ટીમ વચ્ચે રસપ્રદ ફાઈનલ મેચ યોજાઇ હતી. જેમાં અંતમાં S.Y B.com English ની ટીમ વિજેતા બની હતી. ટુર્નામેન્ટના અંતે બેસ્ટ બેટ્સમેન સાનજા યસ, બેસ્ટ બોલર ચાવડા પાર્થ, પ્લેયર ઓફ ધ સિરીઝ નાકરાણી વિવેક જાહેર થયા હતા. વિજેતાઓને વિન્નર્સ ટ્રોફી એનાયત કરવામાં આવી હતી.ટુર્નામેન્ટમાં ઍમ્પાયર તરીકે ચેતનભાઈ ભણસાલી અને મિતુલસિહ ઝાલાએ સેવા આપી હતી.
