મોરબીમાં ૯.૨૫ લાખની ચોરીના ગુનામાં પકડાયેલા પાંચ આરોપીના ત્રણ દિવસના રિમાન્ડ મંજૂર
Morbi Today
મોરબી જિલ્લામાં પોલીસ વિભાગ દ્વારા ટ્રાફિક સપ્તાહની ઉજવણી !
SHARE
JOIN OUR GROUP
મોરબી જિલ્લામાં પોલીસ વિભાગ દ્વારા ટ્રાફિક સપ્તાહની ઉજવણી !
મોરબીના આસપાસના વિસ્તારમાં 1000 જેટલા નાના મોટા સીરામીકના કારખાને આવેલા છે તેમજ અન્ય કારખાનાઓ આવેલા છે જેમાં હજારો લોકો નાના મોટા વાહનો લઈને નોકરી ધંધા માટે અવરજવર કરતા હોય છે તેની સાથો સાથ માલવાહક વાહનોની સંખ્યા પણ ખૂબ મોટા પ્રમાણમાં હોય છે અને દિવસ દરમિયાન કોઈને કોઈ વિસ્તારની અંદર જીવલેણ અકસ્માત સર્જાય તેવો ઘાટ મોરબી જિલ્લાના મોરબી આસપાસના વિસ્તારમાં જોવા મળી રહ્યો છે તેવા સમયે મોરબી પોલીસ વિભાગ દ્વારા 33 માં રાષ્ટ્રીય માર્ગ સલામતી સપ્તાહની ઉજવણીના ભાગરૂપે મોરબી શહેરના સનાળા રોડ ઉપર આવેલ ગુજરાત હાઉસિંગ બોર્ડ પાસે પોલીસ ચોકીએ ટ્રાફિક સપ્તાહની ઉજવણીના કાર્યક્રમનું આયોજન કરવામાં આવ્યું હતું જેમાં મોરબીના ડીવાયએસપી ગોસ્વામી સહિતના અધિકારીઓ હાજર રહ્યા હતા તેમજ મોરબી સિરામિક એસોસિયેશનના માજી પ્રમુખ નિલેશભાઈ જેતપરિયા સહિતના નગરજનો પણ આ કાર્યક્રમમાં હાજર રહ્યા હતા ત્યારે પોલીસ અધિકારીઓ દ્વારા રોજિંદા ટ્રાફિકના લીધે સર્જાતા અકસ્માતોને ધ્યાનમાં રાખીને મોરબી મોરબીવાસીઓને વાહન ચલાવતા સમયે કાર ચલાવતા હોય તો સીટબેલ્ટ બાંધવા અને બાઈક ચલાવતા હોય તો હેલ્મેટ પહેરવા માટે થઈને અપીલ કરવામાં આવી હતી અને ખાસ કરીને ઓવર સ્પીડ વાહન ચલાવવાના કારણે ઘણી વખત જીવલેણ અકસ્માતો સર્જાતા હોય છે ત્યારે પોતાની અને અન્ય વાહન ચાલકોની સલામતીને ધ્યાનમાં રાખીને લોકો પોતાના વાહનો લઈને માર્ગ ઉપરથી અવર-જવર કરે તેના માટે પણ અનુરોધ કરવામાં આવ્યો હતો અને ઘણા બધા લોકોને આજે ટ્રાફિકના નિયમના ભંગ બદલ દંડ કરવાના બદલે ફુલ આપીને ટ્રાફિકના નિયમોને અનુસરવા માટે અધિકારીઓ દ્વારા અપીલ કરવામાં આવી છે
